سندھ بلڈنگ کنٹرول اتھارٹی کے بلڈنگ انسپیکٹر سجاد خان کا صحافی شہریار قریشی پر حملہ

کراچی (اسٹاف رپورٹر) سندھ بلڈنگ کنٹرول اتھارٹی (SBCA) کے بلڈنگ انسپیکٹر سجاد خان کی کچھ غنڈہ عناصر کے ہمراہ صحافی شہریار قریشی پر حملے کی شدید مذمت کی گئی ہے۔ صحافیوں کے ساتھ تشدد کا یہ واقعہ آزادی اظہار پر حملہ ہے اور اس سے صحافتی برادری کی حفاظت پر سوالات اٹھتے ہیں۔
صدر استحکام پاکستان پارٹی و وفاقی وزیر عبدالعلیم خان کی آذربائیجان کے سفارتخانے آمد

یہ واقعہ اس وقت پیش آیا جب سجاد خان اور اس کے ساتھ موجود کچھ شرپسند عناصر نے شہریار قریشی کو تشدد کا نشانہ بنایا۔ صحافی شہریار قریشی، جو روزنامہ وائس آف سٹی کے ایڈیٹر ہیں، نے سندھ بلڈنگ کنٹرول اتھارٹی کے افسر کی کرپشن اور غیر قانونی تعمیرات کے معاملات کو اجاگر کیا تھا، جس پر اس نے حملہ کیا۔

اس حملے کی مذمت کرتے ہوئے کہا گیا کہ صحافیوں کو اپنی پیشہ ورانہ ذمہ داریاں انجام دینے میں مکمل تحفظ ملنا چاہئے تاکہ وہ کسی خوف کے بغیر عوامی مفادات کے لئے کام کر سکیں۔ یہ واقعہ اس بات کو ظاہر کرتا ہے کہ بعض حکومتی اداروں کے اندر کرپشن اور بدعنوانی کی جڑیں بہت گہری ہو چکی ہیں اور اس کے خلاف آواز اٹھانے والے افراد کو دھمکایا یا تشدد کا نشانہ بنایا جا رہا ہے۔

واقعے کے بعد، صحافتی تنظیموں اور میڈیا کے افراد نے مطالبہ کیا ہے کہ اس حملے کی مکمل تحقیقات کی جائیں تاکہ ملوث افراد کو انصاف کے کٹہرے میں لایا جا سکے۔ وزیر بلدیات سندھ، چیرمین اینٹی کرپشن اور ڈی جی SBCA سے مطالبہ کیا گیا ہے کہ وہ اس معاملے پر فوری طور پر نوٹس لیں اور کارروائی کریں تاکہ اس طرح کے واقعات کا دوبارہ تدارک ہو سکے۔