کے مطابق وزیر مملکت برائے انفارمیشن ٹیکنالوجی شزہ فاطمہ خواجہ نے قومی اسمبلی میں اظہار خیال کرتے ہوئے کہا کہ "ایکس” سوشل میڈیا پلیٹ فارم کا استعمال پاکستان میں 2 فیصد سے بھی کم لوگوں کے ذریعے کیا جاتا ہے اور یہ وزارت داخلہ کی ہدایت پر بند کیا گیا۔ انہوں نے کہا کہ "قومی سلامتی سے بڑھ کر کچھ نہیں ہے، دشمن ہر وقت سائبر حملوں کے لیے تیار بیٹھا ہے، اور ہم نے ان سائبر حملوں کو روکنا ہے۔”
پشاور ہائی کورٹ میں خیبرپختونخوا کے حساس اضلاع کی سیکیورٹی پر غور: ججز کے تحفظ کے اقدامات کی ضرورت پر زور
شزہ فاطمہ نے مزید کہا کہ مذہبی اور سماجی بنیادوں پر پیدا ہونے والے مواد کو پی ٹی اے بلاک کرتا ہے، تاکہ شہریوں کو محفوظ رکھا جا سکے۔ انہوں نے یہ بھی واضح کیا کہ پورے ملک میں انٹرنیٹ کی بندش نہیں کی گئی بلکہ ٹارگٹ علاقوں میں مخصوص انٹرنیٹ سروسز بند کی گئیں تاکہ قومی سلامتی کو یقینی بنایا جا سکے۔
آزاد اظہار رائے کی پابندی کے حوالے سے وزیر مملکت نے کہا کہ اگر حکومت کو آزادی اظہار پر پابندی لگانی ہوتی تو ٹک ٹاک اور فیس بک بھی بند کر دیے جاتے، مگر حکومت کا مقصد شہریوں کی حفاظت اور ان کے حقوق کا تحفظ ہے۔
فائیوجی اسپیکٹرم نیلامی کے حوالے سے شزہ فاطمہ نے کہا کہ اپریل میں فائیوجی اسپیکٹرم کی نیلامی کی جائے گی، اور 5.5 میگا ہرٹز اسپیکٹرم پاکستان کے لیے کلیئر کروا لیا گیا ہے۔ اس کے ذریعے پاکستان کو عالمی سطح پر اسپیکٹرم میں ٹاپ 10 ممالک میں شامل کرنے کی کوشش کی جا رہی ہے۔
انہوں نے اس بات پر بھی زور دیا کہ پچھلے دو سال میں پاکستان اقتصادی بحران کا شکار تھا جس کی وجہ سے ٹیکنالوجی کے آلات کی خریداری میں مشکلات آئیں، تاہم اب ملکی زرمبادلہ ذخائر میں بہتری آ چکی ہے اور ٹیکنالوجی میں بھی تبدیلی لانے کی کوشش کی جا رہی ہے۔
وزیر مملکت نے بچوں کے لیے ‘اسمارٹ فون فار آل’ پالیسی کا اعلان کرتے ہوئے کہا کہ "مسلم لیگ ن کی حکومت نے 11 لاکھ بچوں کو لیپ ٹاپ دیے ہیں، اور اب ہم اسمارٹ فونز کی پالیسی پر کام کر رہے ہیں تاکہ ہر بچے تک ٹیکنالوجی کی رسائی ہو سکے۔”
