تشکر نیوز: ایران نے اپنے مربوط فضائی دفاعی نظام کے ذریعے اسرائیلی حملوں کو ناکام بنادیا۔ ایرانی ایئرفورس کے مطابق اسرائیلی جارحیت کا سامنا کرتے ہوئے تہران، خوزستان اور ایلام صوبوں میں فضائی تنصیبات کو نشانہ بنانے کی کوششوں کو ناکام بنا دیا گیا۔ ایرانی فورسز نے بیان میں کہا کہ صیہونی حکومت نے ایران کی وارننگ کو نظرانداز کرتے ہوئے آج صبح متعدد میزائل حملے کیے۔ ایران نے فوری ردعمل دیتے ہوئے ان میزائلوں کو اپنے فضائی دفاعی نظام کے ذریعے تباہ کر دیا۔
سینیر ججوں کو وقار کے ساتھ ریٹائرہوجاناچاہیے
ایرانی سرکاری خبر رساں ایجنسی ارنا کے مطابق مہر آباد اور امام خمینی بین الاقوامی ایئرپورٹس پر صورتحال معمول کے مطابق ہے۔ ایرانی دفاعی حکام کا کہنا ہے کہ اگرچہ بعض مقامات پر محدود نقصان ہوا، تاہم دشمن کے تمام اہداف کو کامیابی سے نشانہ بنا دیا گیا۔ تسنیم نیوز ایجنسی نے مزید بتایا کہ تہران کے مغربی حصے میں پاسداران انقلاب کے فوجی مراکز پر کوئی اسرائیلی میزائل حملہ کامیاب نہیں ہو سکا۔