کراچی (خصوصی رپورٹر) آرٹس کونسل آف پاکستان کراچی کے زیر اہتمام جاری 38 روزہ "ورلڈ کلچرل فیسٹیول کراچی” کے 29 ویں روز "Flavors of the UAE: A Culinary and Cultural Journey” کے عنوان سے ایک شاندار شام کا انعقاد کیا گیا۔ یہ تقریب جون ایلیا لان میں ہوئی، جس میں کراچی میں متحدہ عرب امارات کے قونصل جنرل ڈاکٹر بخیت عتیق الرمیثی، صوبائی وزیر ثقافت و سیاحت سید ذوالفقار علی شاہ، اور صدر آرٹس کونسل محمد احمد شاہ نے خصوصی شرکت کی۔
کیماڑی پولیس کی کارروائی، گٹکا ماوا فروش گرفتار
تقریب میں عربی ثقافت کی عکاسی کرتے ہوئے خیمہ لگایا گیا، جہاں مختلف مزیدار کھانے، کہوہ، کھجور کی چائے، سوگو، خبیسہ اور دیگر لوازمات پیش کیے گئے۔ ایک نایاب نسل کا سفید باز بھی لوگوں کی توجہ کا مرکز رہا۔ عربی ثقافتی رقص اور گانوں نے مہمانوں کو محظوظ کیا۔
قونصل جنرل ڈاکٹر بخیت عتیق الرمیثی نے اس موقع پر کہا کہ وہ کراچی کی عوام کے سامنے عرب کی ثقافت پیش کرنے پر خوش ہیں، اور وہ پاکستان کی مہمان نوازی کی تعریف کرتے ہیں۔ صدر آرٹس کونسل محمد احمد شاہ نے کہا کہ اس طرح کے پروگرامز ثقافتی تعلقات کو مضبوط کرتے ہیں، جبکہ صوبائی وزیر ثقافت نے فیسٹیول میں یو اے ای کی شمولیت کو باعث فخر قرار دیا۔