ٹی 20 ورلڈ کپ 2024 میں اب تک بننے والے منفرد ریکارڈز

تشکر نیوز: آئی سی سی ٹی ٹوئنٹی ورلڈ کپ 2024ء میں اب تک کئی ورلڈ ریکارڈ بن چکے ہیں جبکہ ایونٹ کے اختتامی میچز ابھی باقی ہیں۔

آئی سی سی ٹی ٹوئنٹی ورلڈ کپ جو اس بار امریکا اور ویسٹ انڈیز کی مشترکہ میزبانی میں کھیلا جا رہا ہے۔ 20 ٹیموں سے سجے اس میگا ایونٹ کا گروپ مرحلہ اختتام پذیر اور سپر ایٹ مرحلے کا آغاز ہوچکا ہے۔

اسٹیبلشمنٹ کی موجودہ پالیسی میں عمران خان کیلئے کوئی لچک نہیں: سہیل وڑائچ

غیر متوقع طور پر سابق عالمی چیمپئن پاکستان، سری لنکا، نیوزی لینڈ جیسی بڑی ٹیمیں پہلے مرحلے میں ہی میگا ایونٹ سے باہر جب کہ پہلا ٹی ٹوئنٹی ورلڈؑ کپ کھیلنے والی نو آموز امریکا کے ساتھ افغانستان اور بنگلہ دیش نے سپر ایٹ تک رسائی حاصل کی۔

ابتدائی مرحلے کے آخری میچز میں سب سے دلچسپ ریکارڈ جو بنا وہ نیوزی لینڈ کے بولر لوکی فرگوسن نے بنایا جنہوں نے پاپوا نیوگنی کے خلاف میچ میں اپنے چاروں اوورز میڈن کرائے اور ساتھ تین شکار بھی کیے۔

افغانستان کے عظمت اللہ نے میگا ایونٹ کا سب سے مہنگا اوور کرایا۔ ویسٹ انڈیز کے خلاف میچ میں کیریبئن بیٹر نکولس پوران نے عظمت اللہ کے اوور میں 36 رنز لوٹے۔

پہلے مرحلے میں بالخصوص امریکا میں کھیلے گئے تمام میچز لو اسکورنگ رہے تاہم ویسٹ انڈیز نے اپنی سر زمین پر افغان ٹیم کے خلاف اب تک کا سب سے بڑا ٹوٹل 218 رنز اسکور بورڈ پر سجایا۔ یہ میچ ویسٹ انڈیز نے 104 رنز کے واضح مارجن سے اپنے نام کیا۔

پہلے راؤنڈ میں نو آموز اور اپنا پہلا ٹی ٹوئنٹی ورلڈ کپ کھیلنے والی میزبان امریکی ٹیم نے سب کو اپنی کارکردگی سے حیران کیا اور افتتاحی میچ میں ہی کینیڈا کی جانب سے دیا گیا سب سے زیادہ 197 رنز کامیابی سے حاصل کر لیا۔

نیویارک نے ناساؤ کاؤنٹی کرکٹ اسٹیڈیم کی پچز بیٹرز کے لیے درد سر بنی رہی۔ یہاں تمام میچز لو اسکورنگ ہوئے جب کہ فاسٹ بولرز نے خوب وکٹیں اڑائیں۔ اسی تاریخی گراؤنڈ نے روائتی حریفوں کے درمیان پاک بھارت ٹاکرے کی میزبانی بھی کی۔

پہلے مرحلے میں افغان کھلاڑی چھائے رہے۔ جہاں رحمان اللہ گرباز 167 رنز کے ساتھ بلے بازوں میں سرفہرست، تو وہیں ہم وطن فضل الحق فاروقی 12 وکٹیں لے کر بولرز میں سب سے اوپر ہیں۔

55 / 100

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!