...

اسرائیلی کی غزہ وحشیانہ بمباری جاری؛ بچوں سمیت 34 فلسطینی شہید

غزہ: جنگ بندی کی کوششوں اور عالمی فوجداری عدالت کے اسرائیلی وزیراعظم کے ممکنہ وارنٹِ گرفتاری کی خبروں کے دوران صیہونی ریاست کی غزہ پر بمباری کا سلسلہ مزید تیز ہوگیا۔

وفا نیوز ایجنسی کی رپورٹ کے مطابق گزشتہ 24 گھنٹوں میں اسرائیلی فوج نے نوصیرات پناہ گزین کیمپ اور غزہ شہر میں ڈرونز کے ذریعے بمباری کی جس کے نتیجے میں خواتین اور بچوں سمیت 34 فلسطینی شہید اور متعدد ہوگئے۔

اسرائیلی کی غزہ وحشیانہ بمباری جاری؛ بچوں سمیت 34 فلسطینی شہید

دوسری جانب وسطی غزہ میں حماس کے ساتھ ہونے والی ایک جھڑپ میں اسرائیلی فوج کے دو اہلکار 37 سالہ کلکدان مہر اور 28 سالہ ادو ابیب مارے گئے۔ حماس کے بقول ان اہلکاروں کو گھات لگا کر نشانہ بنایا گیا۔

اس طرح غزہ میں دوبدو لڑائی کے دوران مارے جانے والے اسرائیلی فوجیوں کی تعداد 600 سے تجاوز کرگئی جب کہ 7 اکتوبر کو حماس کے اسرائیل پر حملے میں ہزار سے زائد اہلکار مارے گئے تھے۔

غزہ میں 40 دن کی جنگ بندی کے لیے عالمی قیادت متحرک ہے۔ اسرائیلی نمائندوں سے مذاکرات کے لیے حماس کی قیادت قاہرہ میں موجود ہے۔ لیکن اب تک سیز فائر پر اتفاق نہیں ہوسکا ہے۔

ادھر امریکی وزیر خارجہ مشرق وسطیٰ کے اپنے اہم دورے پر گزشتہ روز سعودی عرب پہنچے اور 4 عرب ممالک کے وزرائے خارجہ سے ملاقات کی جس میں غزہ میں جنگ بندی اور اس کے بعد بننے والی حکومت کے حوالے سے تبادلہ خیال کیا گیا۔

امریکی وزیر خارجہ انتونی بلنکن یورپی ممالک کے ہم منصوبوں سے بھی ملاقات کریں گے جس میں غزہ کے تباہ حال گھروں اور انفرا اسٹریکچر کی بحالی کے منصوبے پر بات چیت ہوگئی۔

انٹونی بلنکن کے اس دورے کا آخری پڑاؤ اسرائیل ہوگا جہاں وہ اسرائیلی وزیراعظم نیتن یاہو سے ملاقات کریں گے۔ اس دوے کا مقصد عرب ممالک اور یورپی ممالک سے ہونے والے مذاکرات پر اسرائیل کو اعتماد لینا ہے۔

یاد رہے کہ اسرائیل کی 7 اکتوبر سے جاری وحشیانہ بمباری میں شہید ہونے والے فلسطینیوں کی تعداد 34 ہزار 488 ہوگئی جب کہ 77 ہزار سے زائد زخمی ہیں۔ شہید اور زخمی ہونے والوں میں نصف تعداد خواتین اور بچوں کی ہے۔

51 / 100

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!
Seraphinite AcceleratorOptimized by Seraphinite Accelerator
Turns on site high speed to be attractive for people and search engines.