کوئی ملاقات کی تو آئین و جمہوریت کی بات کی: بلاول اسٹیبلشمنٹ سے سودے بازی کے الزام پر برس پڑے

تشکُّر نیوز رپورٹنگ،

پاکستان پیپلزپارٹی کے چیئرمین بلاول بھٹو زرداری نے اقتدار کیلئے اسٹیبلشمنٹ سے سودے بازی کا الزام مسترد کردیا۔

سپریم کورٹ میں میڈیا سے گفتگو میں بلاول کا کہنا تھاکہ میں نے مولانا فضل الرحمان کے مطابق کوئی ملاقات کی بھی تھی تو اس میں آئین اور جمہوریت کی بات کی تھی۔ 

انہوں نے صحافی کے سوال پر اظہار برہمی کرتے ہوئے کہا کہ آپ کے پاس کیا ثبوت ہے کہ میں نے اسٹیبلشمنٹ سے سودے بازی کی تھی؟ بغیر ثبوت کے الزام نہ لگایا جائے۔

ان کا کہنا تھاکہ اگرمولانا یا کوئی بات کرتے ہیں تو ان سے پوچھیں، اگر میری ملاقات ہوئی بھی توکیا میں نے جمہوریت، آئین پر بات کی یا سودے بازی کی؟

خیال رہے کہ چند روز قبل جمعیت علمائے اسلام کے امیر مولانا فضل الرحمان نے کہا تھا کہ ن لیگ اور پیپلزپارٹی بانی پی ٹی آئی عمران خان کے خلاف تحریک عدم اعتماد اُس وقت کے آرمی چیف جنرل (ر) قمر جاوید باجوہ کے کہنے پر لائے تھے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!