ضلع ملیر پولیس نے سکھن کے علاقے میں کارروائی کرتے ہوئے دو ملزمان کو گرفتار کرلیا۔
پولیس کے مطابق گرفتار ملزمان کی شناخت محمد نوید ولد شہزاد اور محمد آصف ولد محمد خلیل کے نام سے ہوئی ہے۔
ملزمان سے دو پستول برآمد
پولیس نے محمد نوید کے قبضے سے 9 ایم ایم پستول اور دو راؤنڈ برآمد کیے۔
اس کے خلاف مقدمہ الزام نمبر 742/2026، دفعہ 23(1)A سندھ آرمز ایکٹ کے تحت تھانہ سکھن میں درج کیا گیا۔
دوسرے ملزم محمد آصف سے 30 بور پستول اور دو راؤنڈ برآمد ہوئے۔
اس کے خلاف مقدمہ الزام نمبر 743/2026، دفعہ 23(1)A سندھ آرمز ایکٹ کے تحت درج کیا گیا۔
دوسرے ملزم کا سابقہ ریکارڈ بھی سامنے آگیا
پولیس کے مطابق محمد آصف کا سابقہ ریکارڈ بھی موجود ہے۔ اس کے خلاف تھانہ خواجہ اجمیر نگری میں مقدمہ الزام نمبر 43/2024، دفعہ 9(I)3-C کے تحت درج ہے۔
ترجمان ضلع ملیر پولیس کے مطابق دونوں ملزمان کے خلاف قانونی کارروائی جاری ہے۔ مزید تفتیش بھی کی جارہی ہے۔