اورنگی ٹاؤن انویسٹیگیشن پولیس نے ایک اور کارروائی کرتے ہوئے مغوی ایان کو بازیاب کرالیا۔
ترجمان ایس ایس پی انویسٹیگیشن ویسٹ کے مطابق کارروائی ایس ایس پی مسرور احمد جتوئی کی ہدایات پر کی گئی۔
پولیس نے مقدمہ الزام نمبر 885/2026 میں پیش رفت کرتے ہوئے ایان کو بازیاب کرایا۔ یہ مقدمہ تعزیراتِ پاکستان کی دفعہ 365 کے تحت درج ہے۔
ایس آئی او تھانہ اورنگی ٹاؤن انسپکٹر محمد حسن سومرو نے کارروائی کی نگرانی کرتے ہوئے مغوی کی بازیابی یقینی بنائی۔
ترجمان کے مطابق ایس ایس پی انویسٹیگیشن ویسٹ کی خصوصی ہدایات پر پولیس کی کارروائیاں جاری ہیں۔ ان کارروائیوں کا مقصد زیرِ تفتیش مقدمات میں پیش رفت کرنا ہے۔ اس کے ساتھ گمشدہ اور مغوی افراد کی بازیابی بھی جاری ہے۔