اورنگی ٹاؤن انویسٹیگیشن پولیس نے کارروائی کرتے ہوئے مغویہ رخسانہ کو بازیاب کرالیا۔ پولیس نے اغوا کے مقدمے میں مطلوب ملزم خورشید عالم کو بھی گرفتار کرلیا۔
ترجمان ایس ایس پی انویسٹیگیشن ویسٹ کے مطابق یہ کارروائی ایس ایس پی مسرور احمد جتوئی کی ہدایات پر کی گئی۔
پولیس نے مقدمہ الزام نمبر 880/2026 میں کارروائی کی۔ یہ مقدمہ تعزیراتِ پاکستان کی دفعہ 365-B کے تحت درج ہے۔
پولیس نے مغویہ رخسانہ دختر سید احمد کو بازیاب کرایا۔ کارروائی کے دوران ملزم خورشید عالم ولد نظیر احمد کو بھی گرفتار کرلیا گیا۔
مغویہ کی بازیابی اور ملزم کی گرفتاری کے لیے کارروائی ایس آئی او تھانہ اورنگی ٹاؤن انسپکٹر محمد حسن سومرو کی نگرانی میں کی گئی۔
ترجمان کے مطابق مقدمے کی مزید تفتیش جاری ہے۔
