کراچی: ڈسٹرکٹ ویسٹ پولیس نے ایس ایس پی طارق الٰہی مستوئی کی زیرِ قیادت گزشتہ ہفتے جرائم پیشہ عناصر کے خلاف کارروائیاں کرتے ہوئے مجموعی طور پر 106 ملزمان کو گرفتار کرلیا۔
پولیس کے مطابق گرفتار افراد میں 15 مبینہ اسٹریٹ کرمنلز، 28 منشیات فروش، 5 گٹکا ماوا فروش اور دیگر جرائم میں ملوث ملزمان شامل ہیں۔
چار پولیس مقابلے، پانچ ملزمان زخمی حالت میں گرفتار
پولیس کے مطابق گزشتہ ہفتے مختلف علاقوں میں پولیس اور ملزمان کے درمیان 4 مقابلے ہوئے۔ ان کارروائیوں کے دوران 5 ملزمان کو زخمی حالت میں جبکہ ایک ملزم کو بغیر مزاحمت گرفتار کیا گیا۔
ڈسٹرکٹ ویسٹ پولیس نے اشتہاری اور مفرور ملزمان کے خلاف کارروائیاں کرتے ہوئے مزید 3 ملزمان کو گرفتار کرنے کا بھی بتایا ہے۔
اسلحہ اور منشیات برآمد
پولیس کے مطابق گرفتار ملزمان کے قبضے سے 13 مختلف اقسام کے پستول اور ان کا ایمونیشن برآمد ہوا۔
کارروائیوں کے دوران برآمد ہونے والی منشیات اور دیگر ممنوعہ اشیا میں شامل ہیں:
اقرار الحسن کے جسمانی ریمانڈ میں 2 روز کی توسیع
921 گرام آئس
45 گرام ہیروئن
29 گرام کرسٹل
شراب کی 2 بوتلیں
13 کلو غیر ملکی گٹکا
12 کلو تمباکو
جیلانی پاؤڈر
128 کلو گٹکا ماوا
موبائل فون، موٹر سائیکلیں اور گاڑیاں بھی تحویل میں
پولیس کے مطابق کارروائیوں کے دوران 15 موبائل فون، 9 موٹر سائیکلیں، 37 گاڑیاں اور نقد رقم بھی تحویل میں لی گئی۔
ڈسٹرکٹ ویسٹ پولیس کا کہنا ہے کہ یہ گرفتاریاں مختلف تھانوں کی حدود میں جرائم پیشہ عناصر کے خلاف جاری کارروائیوں کے نتیجے میں عمل میں آئیں۔
پولیس کے مطابق گرفتار ملزمان کے خلاف متعلقہ تھانوں میں مقدمات درج کرکے انہیں مزید تفتیش کے لیے تفتیشی حکام کے حوالے کردیا گیا ہے۔