ایران جنگ کے معاملے پر امریکی صدر ڈونلڈ ٹرمپ نے کانگریس کی مشترکہ قرارداد کو تنقید کا نشانہ بنایا ہے۔
ٹرمپ نے کہا کہ یہ قرارداد بے وقت اور بے معنی ہے۔
انہوں نے دعویٰ کیا کہ ان کی پالیسیوں نے ایران کو شدید دباؤ میں ڈال دیا ہے۔
امریکی صدر کے مطابق ایران کمزور پوزیشن میں آ چکا ہے۔
انہوں نے کہا کہ بعض سینیٹرز نے ان کا کام مزید مشکل بنا دیا۔
تاہم ان کا کہنا تھا کہ وہ اپنے مقاصد حاصل کرنے کی کوشش جاری رکھیں گے۔
ٹرمپ نے کہا کہ وہ ہمیشہ اپنے منصوبے مکمل کرتے ہیں۔
دوسری جانب امریکی سینیٹ نے ایران کے خلاف فوجی کارروائی محدود کرنے سے متعلق قرارداد کی حمایت کی ہے۔
قرارداد 48 کے مقابلے میں 50 ووٹوں سے منظور کی گئی۔
اس قرارداد کا مقصد ایران کے خلاف مزید فوجی اقدامات پر پابندی لگانا ہے۔
یہ قرارداد رواں ماہ کے آغاز میں ایوان نمائندگان سے بھی منظور ہو چکی ہے۔
قرارداد کی منظوری کے بعد امریکا میں ایران پالیسی پر سیاسی بحث مزید تیز ہو گئی ہے۔
