کراچی: 11 جون 2026 — Pakistan Navy کی پہلی ہنگور کلاس آبدوز پی این ایس/ایم ہنگور کراچی بندرگاہ پہنچ گئی، جہاں اس کا روایتی بحری انداز میں پُرتپاک اور شاندار استقبال کیا گیا۔
آمد کے موقع پر پاکستان نیول اکیڈمی کے کیڈٹس نے آبدوز اور اس کے عملے کو اعزازی سلامی پیش کی جبکہ پاک بحریہ کے Z9EC ہیلی کاپٹروں نے فلائی پاسٹ کا شاندار مظاہرہ کیا۔ تقریب میں پاک بحریہ کے سینئر افسران، جوانوں، آبدوز کے عملے کے اہلِ خانہ اور دیگر بحری اہلکاروں نے شرکت کی۔
پی این ایس/ایم ہنگور کی آمد پر پاکستان نیوی ڈاکیارڈ میں ایک خصوصی استقبالیہ تقریب منعقد ہوئی جس میں کمانڈر پاکستان فلیٹ، وائس ایڈمرل عبدالمنیب، نے بطور مہمانِ خصوصی شرکت کی۔
یہ جدید آبدوز جدید کامبیٹ سسٹمز، حساس سینسرز، ایئر انڈیپنڈنٹ پروپلشن (AIP) ٹیکنالوجی اور اسٹیلتھ خصوصیات سے لیس ہے، جو پاک بحریہ کی دفاعی اور آپریشنل صلاحیتوں میں نمایاں اضافہ کرے گی۔
پی این ایس/ایم ہنگور کی شمولیت پاک بحریہ کے فلیٹ کی جدیدیت کی جانب ایک اہم پیش رفت ہے اور یہ پاکستان اور چین کے درمیان مضبوط اسٹریٹجک دفاعی تعاون کی بھی عکاسی کرتی ہے۔
