...
پاکستان

خیبرپختونخوا حکومت میں اختلافات کی افواہیں، 20 سے زائد ارکان کے تحفظات کی اطلاعات، صوبائی حکومت کی تردید

مئی 30, 2026
Tashakur News
89 Comments

پشاور: خیبرپختونخوا میں حکمران جماعت پاکستان تحریک انصاف (پی ٹی آئی) کے 20 سے زائد ارکانِ اسمبلی کی جانب سے وزیراعلیٰ سہیل آفریدی کی کارکردگی پر تحفظات سامنے آنے کی اطلاعات ہیں، تاہم صوبائی حکومت نے ان خبروں کو بے بنیاد قرار دے دیا ہے۔

ریلوے کا انسداد تجاوزات آپریشن، کراچی میں 2.72 ایکڑ اراضی واگزار، 12 افراد گرفتار

ذرائع کے مطابق بعض ارکانِ اسمبلی کا مؤقف ہے کہ صوبے میں گورننس اور امن و امان کی صورتحال تسلی بخش نہیں جبکہ وزیراعلیٰ بیوروکریسی سے مؤثر انداز میں کام لینے میں مشکلات کا سامنا کر رہے ہیں۔ ناراض ارکان نے فنڈز کی غیر منصفانہ تقسیم، کابینہ میں توسیع اور اپنے تحفظات پر عملدرآمد نہ ہونے کے معاملات بھی اٹھائے ہیں۔

ذرائع کا کہنا ہے کہ صورتحال پر غور اور آئندہ حکمت عملی طے کرنے کے لیے ناراض ارکان کا اجلاس جلد بلائے جانے کا امکان ہے۔

دوسری جانب صوبائی وزیر اطلاعات شفیع جان نے ان خبروں کی سختی سے تردید کرتے ہوئے کہا ہے کہ ارکانِ اسمبلی کی گروپ بندی سے متعلق اطلاعات جھوٹی، من گھڑت اور بے بنیاد ہیں۔

انہوں نے کہا کہ خیبرپختونخوا میں پارٹی کے اندر تقسیم کی امید رکھنے والے عناصر مایوس ہوں گے کیونکہ تمام ارکان وزیراعلیٰ سہیل آفریدی کی قیادت پر متحد اور پُرعزم ہیں۔ ان کا مزید کہنا تھا کہ وزیراعلیٰ کو بانی پی ٹی آئی کا مکمل اعتماد حاصل ہے اور صوبائی حکومت اپنی ذمہ داریاں مؤثر انداز میں انجام دے رہی ہے۔

89 thoughts on “خیبرپختونخوا حکومت میں اختلافات کی افواہیں، 20 سے زائد ارکان کے تحفظات کی اطلاعات، صوبائی حکومت کی تردید”

  1. پنگ بیک: پاکستان امریکا کا مخلص دوست ہے، ایران۔امریکا امن مذاکرات میں پاکستان کا کردار قابلِ تحسین ہے: امریکی وزیر دفاع - Tashakur News

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!
Seraphinite AcceleratorOptimized by Seraphinite Accelerator
Turns on site high speed to be attractive for people and search engines.