The Wall Street Journal نے دعویٰ کیا ہے کہ United States اور Iran کے درمیان مذاکرات آئندہ ہفتے Islamabad میں دوبارہ شروع ہونے کا امکان ہے، جبکہ آبنائے ہرمز میں کشیدگی اور بحری راستوں کی سیکیورٹی مذاکرات کا اہم ایجنڈا ہو سکتی ہے۔
اداکارہ اشنا شاہ نے جلد ماں بننے کی خوشخبری سنا دی
رپورٹ کے مطابق دونوں ممالک ثالثوں کے ذریعے ایک ایک صفحے پر مشتمل 14 نکاتی مفاہمتی یادداشت تیار کرنے پر کام کر رہے ہیں، جس کے تحت ایک ماہ پر محیط مذاکراتی عمل شروع کیے جانے کی تجویز زیر غور ہے۔
اخبار کے مطابق اس مجوزہ مذاکراتی عمل کا مقصد خطے میں جاری کشیدگی، ممکنہ جنگی صورتحال اور سفارتی تعطل کو کم کرنا ہے۔
رپورٹ میں کہا گیا ہے کہ مجوزہ مسودے میں ایران کے جوہری پروگرام، آبنائے ہرمز میں کشیدگی میں کمی، بحری راستوں کے تحفظ اور ایران کے اعلیٰ سطح پر افزودہ یورینیم کے ذخائر کو کسی تیسرے ملک منتقل کرنے جیسے اہم نکات شامل ہیں۔
ذرائع کے مطابق ایران بعض شرائط کے ساتھ اپنی جوہری سرگرمیوں اور یورینیم افزودگی کے معاملے میں لچک دکھانے پر غور کر رہا ہے، جبکہ امریکی حکام ایران سے یورینیم افزودگی محدود کرنے کا مطالبہ کر رہے ہیں۔
دوسری جانب تہران کی جانب سے اقتصادی پابندیوں میں واضح نرمی اور معاشی ریلیف کو مذاکرات کی بنیادی شرط قرار دیا جا رہا ہے۔
رپورٹ میں مزید کہا گیا ہے کہ کئی اہم معاملات اب بھی حل طلب ہیں، جن میں ایران پر عائد پابندیوں میں ممکنہ نرمی کی حد ایک بڑا اختلافی نکتہ بنی ہوئی ہے، جو مذاکرات کی کامیابی کی راہ میں رکاوٹ بن سکتی ہے۔
تجزیہ کاروں کے مطابق اگر مذاکرات بحال ہوتے ہیں تو یہ خطے میں کشیدگی کم کرنے اور عالمی توانائی منڈی میں استحکام لانے کے لیے اہم پیش رفت ثابت ہو سکتی ہے۔