کراچی (08 مئی 2026):- عالمی اور مقامی گولڈ مارکیٹس میں سونے کی قیمتوں میں کمی کا رجحان مسلسل دوسرے روز بھی برقرار رہا، جس کے بعد فی تولہ سونے کی قیمت میں مزید کمی ریکارڈ کی گئی ہے۔
محکمہ موسمیات کا الرٹ، پنجاب میں 11 سے 13 مئی تک شدید طوفانی موسم اور “سپر سیل” کا خطرہ
آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونا 400 روپے سستا ہونے کے بعد 4 لاکھ 93 ہزار 662 روپے پر آ گیا ہے۔
اسی طرح 10 گرام سونے کی قیمت میں 343 روپے کی کمی ہوئی ہے، جس کے بعد نئی قیمت 4 لاکھ 23 ہزار 235 روپے مقرر کی گئی ہے۔
دوسری جانب چاندی کی قیمت میں بھی کمی دیکھی گئی، جہاں فی تولہ چاندی 12 روپے سستی ہو کر 8 ہزار 513 روپے پر پہنچ گئی۔
عالمی مارکیٹ میں بھی سونے کی قیمت میں کمی ریکارڈ کی گئی، جہاں فی اونس سونا 4 ڈالر کی کمی کے بعد 4 ہزار 713 ڈالر پر آ گیا۔
ماہرین کے مطابق عالمی سطح پر ڈالر کی قدر، سرمایہ کاری کے رجحانات اور بین الاقوامی معاشی صورتحال سونے کی قیمتوں پر اثرانداز ہو رہی ہے۔