مٹیاری میں وکلاء برادری نے پیٹرولیم مصنوعات کی حالیہ قیمتوں میں اضافے کے خلاف عدالتی بائیکاٹ اور شدید احتجاج کیا۔ احتجاج میں وکلاء عدالتوں کے باہر جمع ہوئے اور نعرے بازی کرتے ہوئے حکومت کے خلاف غم و غصہ ظاہر کیا۔
کراچی میں اپریل کی بارش کا 41 سالہ ریکارڈ ٹوٹ گیا
احتجاج کی قیادت میں پیرل مجیدانو، ظہیر جانی سومرو، سرورو خشک اور دیگر وکلاء شامل تھے۔ انہوں نے کہا کہ پیٹرولیم مصنوعات کی قیمتوں میں اضافہ عوام پر ظلم ہے اور مہنگائی نے پہلے ہی شہریوں کی کمر توڑ دی ہے۔
وکلاء نے حکومت سے مطالبہ کیا کہ وہ فوری طور پر پیٹرول اور ڈیزل کی قیمتوں میں اضافہ واپس لے، تاکہ عوام کو مزید مشکلات کا سامنا نہ کرنا پڑے۔ احتجاج میں شریک وکلاء کا کہنا تھا کہ عوام کی فلاح و بہبود کے لیے اقدامات کرنا حکومت کی ذمہ داری ہے اور انہیں اپنے فیصلوں پر نظرثانی کرنی چاہیے۔