کراچی (26 مارچ 2026) – ایچ بی ایل HBL پاکستان سپر لیگ 11 کے افتتاحی میچ میں لاہور قلندرز نے قذافی اسٹیڈیم لاہور میں حیدرآباد کنگز مین کو 69 رنز سے شکست دے کر شائقین کرکٹ کو جوش و خروش سے بھر دیا۔ میچ کے آغاز میں لاہور قلندرز نے ٹاس جیت کر بیٹنگ کا فیصلہ کیا اور مقررہ 20 اوورز میں 6 وکٹ کے نقصان پر 199 رنز کا مضبوط اسکور بنایا۔
کراچی میں بارش سے موسم خوشگوار، مزید برسات کی پیشگوئی
قلندرز کی بیٹنگ میں فخر زمان نے 39 گیندوں پر 53 رنز کی شاندار اننگز کھیل کر ٹیم کی بنیاد رکھی اور 10 چوکے جڑے۔ اس کے علاوہ حسیب اللہ خان نے 40 رنز ناٹ آؤٹ بنائے جبکہ محمد نعیم نے 30 رنز کی کارکردگی دکھائی۔ لاہور قلندرز کی جانب سے دیگر کھلاڑیوں نے بھی بروقت تعاون کرتے ہوئے حیدرآباد کے خلاف مضبوط اسکور بورڈ پر رکھا۔
ہدف کے تعاقب میں حیدرآباد کنگز مین کی ٹیم مقررہ اوورز میں صرف 130 رنز بنا سکی اور 69 رنز سے شکست کھا گئی۔ حیدرآباد کے کپتان مارنوس لیبوشین نے 26 رنز بنائے، جبکہ ریلی میریڈیتھ نے 19 اور حسان خان نے 14 رنز کا حصہ ڈالا۔ لاہور قلندرز کی جانب سے حارث رؤف، سکندر رضا اور عبید شاہ نے دو، دو وکٹیں حاصل کر کے حیدرآباد کے بلے بازوں کو قابو میں رکھا۔
میچ کے دوران لاہور قلندرز کی پلیئنگ الیون میں محمد نعیم، عبد اللہ شفیق، فخر زمان، پرویز حسین، حسیب اللہ، سکندر رضا، آصف علی، شاہین آفریدی، حارث رؤف، مستفیض الرحمان اور عبید شاہ شامل تھے۔ جبکہ حیدرآباد کنگز مین کی ٹیم میں صائم ایوب، عثمان خان، مارنوس لیبوشین، کوشال پریرا، عرفان نیازی، رضوان محمود، حسان خان، حماد اعظم، رائلی میریڈیتھ، محمد علی اور عاکف جاوید شامل تھے۔
افتتاحی تقریب کے دوران سابق کپتان وسیم اکرم نے پی ایس ایل 11 کی ٹرافی میدان میں لائی، جبکہ پاکستان کرکٹ بورڈ کے چیئرمین محسن نقوی اور وزیراعلیٰ پنجاب مریم نواز بھی موجود تھے۔ شائقین کرکٹ نے لاہور قلندرز کی فتح کا جوش منایا اور کھلاڑیوں کی کارکردگی کو سراہا۔