اسلام آباد/کراچی: Anti Narcotics Force نے ملک کے مختلف شہروں اور تعلیمی اداروں کے اطراف منشیات اسمگلنگ کے خلاف وسیع کارروائیاں کیں، جس کے دوران 7 الگ الگ آپریشنز میں خاتون سمیت 6 ملزمان کو گرفتار کیا گیا۔
کراچی: نیپا پل کے قریب کارروائی، منشیات فروش گرفتار
کاروائیوں کے دوران مجموعی طور پر 36.36 کلوگرام منشیات، جس کی مالیت 29 لاکھ روپے سے زائد ہے، برآمد کی گئی۔
تعلیمی اداروں میں کارروائیاں:
کورنگی کراچی میں کالج کے قریب کارروائی کے دوران 2 ملزمان سے 3.25 کلوگرام چرس برآمد ہوئی، جنہوں نے اعتراف کیا کہ وہ طلباء کو منشیات فروخت کرتے تھے۔
دیگر اہم کاروائیاں:
-
راولپنڈی: چکلالہ گیریژن میں کوریئر آفس سے برطانیہ سے آنے والے پارسل میں چاکلیٹ باکس میں 10 گرام ویڈ برآمد۔
-
کراچی: حب ٹول پلازہ کے قریب ٹرک سے 20 کلوگرام چرس برآمد، ملزم گرفتار۔
-
لاہور: بس ٹرمینل کے قریب بس سے 7.2 کلوگرام چرس برآمد۔
-
ڈی جی خان: سخی سرور روڈ کے قریب ملزم سے 2 کلوگرام چرس برآمد۔
-
کوئٹہ: سریاب روڈ بس ٹرمینل کے قریب خاتون کے قبضے سے 2 کلوگرام آئس برآمد۔
-
کوئٹہ: کچلاک بائی پاس کے قریب ملزم سے 1.9 کلوگرام منشیات اور 2650 ممنوعہ گولیاں برآمد۔
تمام گرفتار شدگان کے خلاف Control of Narcotics Substances Act 1997 کے تحت مقدمات درج کر کے تحقیقات کا آغاز کر دیا گیا ہے۔
ترجمان: اے این ایف
