کراچی: شہر قائد میں ہیوی ٹریفک ایک بار پھر شہریوں کی جانوں کے لیے سنگین خطرہ بن گئی ہے جہاں مختلف علاقوں میں ٹرالر، ڈمپر اور واٹر ٹینکر سے پیش آنے والے الگ الگ ٹریفک حادثات میں 3 افراد جاں بحق جبکہ خواتین اور بچوں سمیت متعدد افراد زخمی ہوگئے۔ مسلسل پیش آنے والے ان حادثات نے شہریوں میں شدید خوف و ہراس پیدا کردیا ہے اور ٹریفک قوانین پر عملدرآمد سے متعلق سوالات بھی اٹھنے لگے ہیں۔
رمضان کے اہم ایام پر سیکیورٹی سخت کرنے کی ہدایت
پولیس کے مطابق پہلا افسوسناک حادثہ Mochko کے علاقے بلدیہ حب ریور روڈ پر Sharjah Shopping Mall کے قریب پیش آیا جہاں تیز رفتار کنٹینر سے لدے چھ ویلر ٹرالر نے موٹر سائیکل پر سوار ایک فیملی کو کچل دیا۔ حادثے کے نتیجے میں 40 سالہ فضل محمد موقع پر ہی جاں بحق ہوگئے جبکہ ان کی اہلیہ 35 سالہ آغا بی بی اور دو کمسن بیٹیاں 3 سالہ افسانہ اور 5 سالہ رخسانہ شدید زخمی ہوگئیں۔
ریسکیو ذرائع کے مطابق زخمیوں کو فوری طور پر ایمبولینس کے ذریعے Civil Hospital Karachi منتقل کیا گیا جہاں انہیں طبی امداد فراہم کی جا رہی ہے۔ پولیس کا کہنا ہے کہ حادثے کے بعد ٹرالر کا ڈرائیور اور کلینر گاڑی چھوڑ کر موقع سے فرار ہوگئے جبکہ پولیس نے ٹرالر کو تحویل میں لے کر ملزمان کی تلاش شروع کردی ہے۔
دوسرا حادثہ Malir کے علاقے میمن گوٹھ میں Shah Latif Town تھانے کی حدود میں مائی نیاٹی درگاہ کے قریب پیش آیا جہاں ڈمپر اور رکشے کے درمیان تصادم کے نتیجے میں خواتین سمیت چار افراد زخمی ہوگئے۔ ریسکیو حکام کے مطابق زخمیوں کو قریبی Al‑Tabari Hospital منتقل کیا گیا جہاں ایک خاتون زخموں کی تاب نہ لاتے ہوئے دم توڑ گئیں۔
ایس ایچ او تھانہ شاہ لطیف Mumtaz Marwat کے مطابق جاں بحق ہونے والی خاتون کی شناخت عزیزہ کے نام سے ہوئی ہے جبکہ متوفیہ کی بیٹی مریم اور رکشہ ڈرائیور غلام علی زخمی ہیں۔ حادثے کے بعد ڈمپر ڈرائیور موقع سے فرار ہوگیا جبکہ پولیس نے ڈمپر کو تحویل میں لے کر مزید تحقیقات شروع کردی ہیں۔
اسی طرح تیسرا حادثہ Manghopir کے علاقے کنواری کالونی میں ابراہیم مسجد کے قریب پیش آیا جہاں واٹر ٹینکر کی ٹکر سے موٹر سائیکل سوار نوجوان جاں بحق ہوگیا۔ ایدھی ذرائع کے مطابق جاں بحق ہونے والے نوجوان کی شناخت 18 سالہ عبداللہ ولد بخت علی کے نام سے ہوئی ہے جس کی لاش قانونی کارروائی کے لیے Abbasi Shaheed Hospital منتقل کردی گئی ہے۔
حادثے کی سی سی ٹی وی فوٹیج بھی سامنے آگئی ہے جس میں دیکھا جاسکتا ہے کہ واٹر ٹینکر سڑک کے کنارے رکنے کے بعد ریورس ہو رہا تھا۔ اسی دوران موٹر سائیکل سوار نوجوان عبداللہ ٹینکر کے پیچھے آکر رکا تاہم پیچھے آتے ٹینکر نے اسے کچل دیا۔ فوٹیج میں یہ بھی دیکھا جاسکتا ہے کہ قریب سے گزرنے والے ایک موٹر سائیکل سوار نے ڈرائیور کو روکنے کی کوشش کی جبکہ حادثے کے بعد موقع پر لوگ جمع ہوگئے۔
پولیس کے مطابق حادثے کا ذمہ دار ٹینکر ڈرائیور موقع سے فرار ہوگیا ہے اور اس کی تلاش کے لیے کارروائیاں جاری ہیں۔
واضح رہے کہ کراچی میں ہیوی ٹریفک کے باعث پیش آنے والے مسلسل حادثات نے شہریوں کو شدید تشویش میں مبتلا کردیا ہے۔ شہری حلقوں کا کہنا ہے کہ ٹریفک قوانین پر سختی سے عملدرآمد نہ ہونے اور ہیوی گاڑیوں کے ڈرائیوروں کے خلاف مؤثر کارروائی نہ ہونے کے باعث ایسے حادثات میں مسلسل اضافہ ہورہا ہے۔