کراچی: عالمی یومِ خواتین کے موقع پر محکمہ ٹرانسپورٹ حکومت سندھ اور Sindh Mass Transit Authority کی جانب سے خواتین کو بااختیار بنانے کے مقصد کے تحت 300 پنک الیکٹرک اسکوٹیز تقسیم کی گئیں۔ اس حوالے سے تقریب کراچی کے ایک مقامی ہوٹل میں منعقد ہوئی جس میں سندھ کے سینئر وزیر اور صوبائی وزیر اطلاعات، ٹرانسپورٹ و ماس ٹرانزٹ Sharjeel Inam Memon نے بطور مہمانِ خصوصی شرکت کی۔
سندھ میں سائبر سیکیورٹی اینڈ کرائم انوسٹیگیشن ڈیپارٹمنٹ کے قیام کی تجویز
تقریب سے خطاب کرتے ہوئے شرجیل انعام میمن نے عالمی یومِ خواتین کے موقع پر تمام خواتین کو مبارکباد پیش کرتے ہوئے کہا کہ خواتین معاشرے کی بنیاد ہیں اور ان کے بغیر معاشرہ مکمل نہیں ہو سکتا۔ انہوں نے کہا کہ عالمی یومِ خواتین دراصل ہر اس شخص کا دن ہے جسے ایک خاتون نے جنم دیا ہے۔
انہوں نے کہا کہ ماضی میں خواتین کو معاشرتی طور پر نظر انداز کیا جاتا رہا لیکن Benazir Bhutto نے خواتین کو بااختیار بنا کر نئی تاریخ رقم کی۔ ان کے مطابق بے نظیر بھٹو کی قیادت میں خواتین نے ثابت کیا کہ وہ ملکی قیادت اور انتظامی امور سنبھالنے کی بھرپور صلاحیت رکھتی ہیں۔ انہوں نے مزید کہا کہ پاکستان کو ایٹمی طاقت بنانے کا تاریخی کارنامہ Zulfikar Ali Bhutto سے منسوب ہے جبکہ میزائل ٹیکنالوجی کے فروغ میں بھی بے نظیر بھٹو کا اہم کردار رہا۔
شرجیل میمن نے کہا کہ خواتین کی ترقی اور بااختیاری کے لیے Pakistan Peoples Party نے تاریخی اقدامات کیے جن میں فرسٹ وومن بینک کا قیام، خواتین کے لیے پہلا پولیس اسٹیشن اور لیڈی ہیلتھ ورکرز پروگرام شامل ہیں۔ انہوں نے کہا کہ پاکستان کی تاریخ کا سب سے بڑا سماجی فلاحی منصوبہ Benazir Income Support Programme ہے جسے عالمی سطح پر بھی سراہا گیا اور اس کا آغاز Asif Ali Zardari کے دور میں ہوا۔
انہوں نے بتایا کہ سیلاب کے بعد Bilawal Bhutto Zardari نے 21 لاکھ گھروں کی تعمیر کا اعلان کیا تھا جن میں سے آٹھ لاکھ گھر مکمل ہو چکے ہیں اور ان گھروں کی ملکیت خواتین کے نام کی گئی ہے۔ انہوں نے کہا کہ سندھ میں خواتین کے لیے مختلف شعبوں میں کوٹہ اور مواقع فراہم کیے جا رہے ہیں اور خواتین اب سیاست سمیت مختلف شعبوں میں نمایاں کردار ادا کر رہی ہیں۔
سینئر وزیر نے کہا کہ سندھ حکومت نے خواتین کے لیے پنک بس سروس شروع کی ہے جس میں خواتین ڈرائیورز بھی تعینات ہیں۔ انہوں نے بتایا کہ حکومت خواتین کو بڑی تعداد میں اسکوٹیز فراہم کرنے کا پروگرام شروع کر رہی ہے جس کے تحت خواتین کو بغیر سفارش اور شفاف طریقہ کار کے ذریعے اسکوٹیز فراہم کی جائیں گی۔ اس پروگرام کے لیے مستقل ڈرائیونگ لائسنس اور تعلیم یا ملازمت کا ثبوت درکار ہوگا جبکہ خواتین کو مفت ڈرائیونگ ٹریننگ بھی دی جا رہی ہے۔
انہوں نے کہا کہ اس پروگرام کا مقصد خواتین کو سفری سہولت فراہم کرنا، پیٹرول کے اخراجات سے بچانا اور انہیں معاشی طور پر خود مختار بنانا ہے۔ ان کے مطابق سندھ حکومت خواتین کو بااختیار بنانے اور معاشرے میں مثبت تبدیلی لانے کے لیے مختلف اقدامات جاری رکھے ہوئے ہے۔
تقریب میں صوبائی وزراء Syed Nasir Hussain Shah, Saeed Ghani, Qasim Siraj Soomro, ڈپٹی میئر کراچی Salman Abdullah Murad سمیت دیگر شخصیات نے شرکت کی۔ اس موقع پر Nafeesa Shah, Sharmila Faruqui, Sharmeen Obaid-Chinoy اور سندھ ماس ٹرانزٹ اتھارٹی کی ایم ڈی Kanwal Nizam Bhutto نے بھی خطاب کیا۔
