واشنگٹن: امریکی دفاعی ادارے Pentagon نے تصدیق کی ہے کہ ایران کی جانب سے امریکی افواج پر ممکنہ پیشگی حملے سے متعلق کوئی انٹیلی جنس رپورٹ موجود نہیں تھی۔
مشرق وسطیٰ کشیدگی، اسٹاک مارکیٹ شدید مندی کا شکار
وائٹ ہاؤس کی جانب سے جاری بیان میں بتایا گیا کہ پینٹاگون حکام نے سینیٹ اور ایوانِ نمائندگان کی متعلقہ کمیٹیوں کو 90 منٹ سے زائد بریفنگ دی، جس میں ایران میں امریکی حملے کی صورتحال اور خطے میں ممکنہ خطرات سے متعلق آگاہ کیا گیا۔
غیر ملکی خبر ایجنسی کے مطابق بریفنگ سے باخبر دو اہلکاروں نے، جنہوں نے نام ظاہر نہ کرنے کی شرط رکھی، بتایا کہ ایران کے ممکنہ پیشگی حملے سے متعلق کوئی واضح انٹیلی جنس دستیاب نہیں تھی۔ تاہم بریفنگ میں ایران کے میزائل پروگرام اور خطے میں اس کے حمایت یافتہ گروہوں کو امریکی مفادات کے لیے خطرہ قرار دیا گیا۔
ماہرین کا کہنا ہے کہ یہ وضاحت اس تناظر میں اہم ہے کہ حالیہ کشیدگی میں امریکی حکام کو ایران کی کارروائیوں کے حوالے سے درست اور بروقت معلومات کی ضرورت ہے، اور پینٹاگون اس معاملے میں شفافیت برقرار رکھنے کی کوشش کر رہا ہے۔