کراچی: شہر میں رواں سال ٹریفک حادثات اور فائرنگ کے واقعات نے شہریوں کی جانیں نگل لیں۔ محکمہ ٹریفک کے اعداد و شمار کے مطابق، سال کے آغاز سے اب تک ٹریفک حادثات میں 830 سے زائد افراد جاں بحق اور 11 ہزار 800 سے زائد زخمی ہوئے ہیں۔
کراچی: کرسمس اور نیو ایئر پر ڈسٹرکٹ سینٹرل میں فول پروف سیکیورٹی انتظامات، ایس ایس پی کی ہدایات
ٹریفک حادثات میں ہلاک ہونے والوں میں 650 مرد، 85 خواتین اور 85 بچے شامل ہیں جبکہ زخمی ہونے والوں کی تعداد 11 ہزار 37 بتائی گئی ہے، جن میں 9 ہزار 267 مرد، 1 ہزار 853 خواتین اور 717 بچے شامل ہیں۔
اسی دوران مختلف فائرنگ کے واقعات میں 407 افراد جاں بحق ہوئے، جن میں 89 افراد ڈکیتی کی مزاحمت کے دوران مارے گئے۔ لوٹ مار کے دوران شہریوں کے ردعمل میں 14 ڈاکو بھی ہلاک ہوئے جبکہ 35 دیگر زخمی ہوئے۔
یہ اعداد و شمار شہر میں ٹریفک قوانین پر عمل درآمد اور جرائم کے خاتمے کے فوری اقدامات کی ضرورت کو اجاگر کرتے ہیں۔