خیرپور میں متحدہ عرب امارات کے وزیرِ رواداری و بقائے باہمی، شیخ نہیان بن مبارک النہیان کی قادن واری آمد پر وفاقی وزیرِ داخلہ و انسدادِ منشیات محسن نقوی نے پرتپاک استقبال کیا۔
نیو کراچی ٹاؤن: چیئرمین محمد یوسف کا مختلف یونین کونسلوں کا دورہ، 30 گلیوں میں پیور بلاک منصوبہ مکمل
دونوں رہنماؤں نے یو اے ای کے قومی دن کی مناسبت سے مشترکہ تقریب میں کیک کاٹا اور ایک دوسرے کو دلی مبارکباد پیش کی۔ اس موقع پر پاکستان اور متحدہ عرب امارات کے درمیان دوطرفہ تعاون، باہمی دلچسپی کے امور اور مشترکہ اقدامات پر تفصیلی تبادلہ خیال بھی کیا گیا۔
شیخ نہیان بن مبارک النہیان نے پاکستان آمد پر کہا کہ میرے بھائی کی جانب سے پرتپاک خیرمقدم پر خوشی ہوئی۔ محسن نقوی نے شیخ نہیان بن مبارک النہیان کو خوش آمدید کہتے ہوئے کہا کہ پاکستان اور متحدہ عرب امارات کے درمیان برادرانہ تعلقات باہمی اعتماد، احترام اور دیرینہ رفاقت پر قائم ہیں اور انہیں مزید مضبوط بنانے کے لیے دونوں ممالک کا عزم غیر متزلزل ہے۔
اس موقع پر متحدہ عرب امارات کے سفیر سالم محمد الزابی، وزیرِ مملکت عبدالرحمن کانجو اور دیگر معزز شخصیات بھی موجود تھیں۔