اسلام آباد: صدر مملکت آصف علی زرداری نے فیلڈ مارشل سید عاصم منیر کو پاکستان کا پہلا چیف آف ڈیفنس فورسز (CDF) مقرر کرنے کی منظوری دے دی ہے۔
وزیراعظم شہباز شریف کی سمری کے بعد جو چیف آف آرمی اسٹاف کے ساتھ ساتھ چیف آف ڈیفنس فورسز کے عہدے کی تعیناتی کے لیے ایوان صدر بھیجی گئی تھی، صدر مملکت نے پانچ سالہ مدت کے لیے یہ تقرری منظور کی۔
اعلامیے کے مطابق صدر مملکت نے ساتھ ہی ائیرچیف مارشل ظہیر احمد سدھو کی مدت ملازمت میں دو سال کی توسیع کی بھی منظوری دی، جو 19 مارچ 2026 سے شروع ہوگی۔
صدر مملکت نے چیف آف آرمی اسٹاف و چیف آف ڈیفنس فورسز کی کامیاب مدت ملازمت کے لیے نیک تمناؤں کا اظہار کیا۔
فیلڈ مارشل عاصم منیر اس وقت پاکستان کے چیف آف آرمی اسٹاف بھی ہیں اور اب وہ پانچ سال کے لیے چیف آف ڈیفنس فورسز کے عہدے پر بھی خدمات انجام دیں گے۔