کراچی (اسٹاف رپورٹر) — تھانہ مدینہ کالونی پولیس نے حب ریور روڈ پر کارروائی کرتے ہوئے خطرناک اسٹریٹ کرمنل رضوان ولد جان محمد کو گرفتار کر لیا۔ گرفتار ملزم قتل اور ڈکیتی کے متعدد مقدمات میں ملوث ہے۔
ایس ایس پی کیماڑی کیپٹن (ر) فیضان علی کے مطابق، پولیس نے خفیہ اطلاع پر کارروائی کی جس کے دوران ملزم کے قبضے سے غیرقانونی 30 بور پستول بمعہ ایمونیشن برآمد کیا گیا۔
پولیس ترجمان کے مطابق دورانِ تفتیش ملزم نے متعدد اسٹریٹ کرائم وارداتوں میں ملوث ہونے کا اعتراف کیا ہے۔ مزید بتایا گیا کہ رضوان ماضی میں بھی قتل اور ڈکیتی کے مقدمات میں گرفتار ہو کر جیل جا چکا ہے، جن میں شامل ہیں:
-
مقدمہ الزام نمبر 38/13 بجرم دفعہ 392/397/34 ت پ تھانہ سعید آباد۔
-
مقدمہ الزام نمبر 64/13 بجرم دفعہ 302/34 ت پ تھانہ سرجانی۔
کارروائی ایس ایچ او سب انسپکٹر افتخار تنولی کی سربراہی میں پولیس پارٹی نے کی۔
گرفتار ملزم کے خلاف سندھ آرمز ایکٹ کے تحت نیا مقدمہ درج کر کے مزید تفتیش شروع کر دی گئی ہے۔