جوڈ بیلنگھم کے شاندار گول کی بدولت ریال میڈرڈ نے بدھ کو یووینٹس کو 0-1 سے شکست دے کر چیمپئنز لیگ میں اپنے سو فیصد کامیابی کے سلسلے کو برقرار رکھا۔
ہیری کین کا ایک اور کارنامہ صرف 12 میچز میں 20 گول بائرن میونخ کی کلب بروگ پر شاندار فتح
ہیڈ کوچ ژابی الونسو کی قیادت میں 15 مرتبہ کی چیمپئن ٹیم نے سینٹیاگو برنابیو میں زیادہ تر وقت کھیل پر قابو رکھا۔ میچ کا واحد گول دوسرے ہاف کے 57ویں منٹ میں آیا، جب ونیسیئس جونیئر کے خطرناک شاٹ کے ریباؤنڈ پر بیلنگھم نے حاضر دماغی سے گیند کو جال میں ڈال دیا۔
22 سالہ بیلنگھم کا یہ گول ان کے لیے اس سیزن کا پہلا تھا۔ وہ کندھے کی سرجری کے بعد طویل وقفے سے واپس آئے ہیں۔
گول کے بعد انہوں نے کہا: "یہ لمحہ خواب جیسا تھا، میں کافی عرصے سے اس کا انتظار کر رہا تھا، اور آج خود کو بالکل پُراعتماد محسوس کیا۔”
ریال کے گول کیپر تھیباؤٹ کورٹوائس، جو کلب کے لیے اپنی 300ویں پیشی کھیل رہے تھے، نے میچ کے بعد کہا: "یہ ایک مشکل مقابلہ تھا، ہمیں سخت محنت کرنا پڑی، مگر یہ ایک بڑی ٹیم کے خلاف اہم جیت ہے۔”
پہلے ہاف میں دونوں ٹیموں نے محتاط کھیل پیش کیا۔ ریال کی جانب سے براہیم ڈیاز اور کائلین ایمباپے نے گول کے کئی مواقع پیدا کیے لیکن مشیل ڈی گریگوریو نے شاندار بچاؤ کیے۔
یووینٹس کی جانب سے ڈوسن ولاہووچ کے دو خطرناک حملے بھی کورٹوائس نے روکے۔
الونسو نے میچ کے بعد کہا: "بیلنگھم انجری کے بعد اچھے فارم میں واپس آیا ہے، اور آج اس نے نہ صرف گول کیا بلکہ مڈفیلڈ میں شاندار کارکردگی دکھائی۔”
میڈرڈ نے گروپ مرحلے کے تینوں میچ جیت کر خود کو پانچ ٹیموں میں شامل کرلیا ہے جنہوں نے چیمپئنز لیگ میں 100 فیصد آغاز کیا۔
دوسری جانب یووینٹس مسلسل سات میچوں سے جیت سے محروم ہے۔
یووینٹس کے کوچ ایگور ٹیودر نے شکست کے بعد کہا:
"ہم میں توانائی اور عزم تھا، مگر تجربے کی کمی اور ناتجربہ کاری نے فرق ڈال دیا۔ ہمیں اسی ٹیم پر بھروسہ رکھنا ہوگا، ہم درست سمت میں جا رہے ہیں۔”