کراچی (اسٹاف رپورٹر) کراچی میں ملائیشیا کے قونصلیٹ جنرل Herman Hardynata Ahmad کی زیرِ قیادت ہری سکن نگرا 2025 (HSN 2025) یا نیشنل اسپورٹس ڈے 2025 کی رنگا رنگ تقریب امیر خسرو پارک، اولڈ کلفٹن میں منعقد ہوئی۔
تنظیم علمائے اسلام سندھ کا مفتی محمد رحیم سکندریؒ کو خراجِ عقیدت دینی خدمات پر تعزیتی ریفرنس
’’کھیل اور ثقافت کے ذریعے اتحاد‘‘ کے متاثر کن تھیم کے تحت منعقدہ اس تقریب میں 53 ملائیشیائی شہریوں نے شرکت کی، جن میں طلبہ اور کراچی میں مقیم ملائیشیائی خاندان شامل تھے۔ شرکاء نے دوستی، یکجہتی اور قومی جذبے سے بھرپور سرگرمیوں میں حصہ لیا۔
تقریب کی خاص کشش ”سارونگ واک“ تھی، جو ملائیشیا کی ایک روایتی سرگرمی ہے، جس میں شرکاء رنگا رنگ روایتی سارونگ پہنے اتحاد و ہم آہنگی کی علامت کے طور پر ایک ساتھ چلتے ہیں۔ اس منفرد واک نے ملائیشیا کے ثقافتی تنوع اور قومی یکجہتی کو خوبصورت انداز میں اجاگر کیا۔
ملائیشیا کے قونصل جنرل Herman Hardynata Ahmad نے اپنے خطاب میں کہا کہ یہ تقریب نہ صرف ملائیشیا کے قومی فخر کا اظہار ہے بلکہ کراچی میں مقیم ملائیشیائی کمیونٹی کے باہمی تعلقات کو بھی مضبوط بناتی ہے۔
انہوں نے مزید کہا کہ ایسے کمیونٹی پر مبنی اقدامات کھیلوں کے فروغ، ثقافتی ہم آہنگی اور ملائیشیا کے اتحاد کے جذبے کی نمائندگی کرتے ہیں۔ قونصلیٹ جنرل نے یقین دلایا کہ ملائیشیا کی ثقافت، عوامی روابط اور ”ملائیشیا مدنی“ کے جذبے کو فروغ دینے والے بامعنی پروگرام مستقبل میں بھی جاری رہیں گے۔
