کراچی – تھانہ بلال کالونی پولیس نے بروقت کارروائی کرتے ہوئے مضر صحت گٹکا ماوا فروخت کرنے والے ملزم کو گرفتار کرلیا۔
سندھ ہائی وے پیٹرول کی بڑی کارروائی ٹول پلازہ پر گاڑی سے 3080 مین پوری گٹکا برآمد
ترجمان کے مطابق کارروائی بلال کالونی کے علاقے 5-E اپنا لان میں کی گئی، جہاں ملزم کو رنگے ہاتھوں حراست میں لیا گیا۔ گرفتار ملزم کی شناخت رضا ولد حنیف کے نام سے ہوئی ہے۔
پولیس کے مطابق ملزم مضر صحت گٹکا ماوا فروخت کرتا تھا، جس کے قبضے سے درج ذیل برآمدگیاں عمل میں آئیں:
-
24 پیکٹ مضر صحت گٹکا ماوا
-
نقدی 400 روپے
گرفتار ملزم کے خلاف مقدمہ الزام نمبر 355/2025 بجرم دفعہ 4/8(i) گٹکا ماوا ایکٹ تھانہ بلال کالونی میں درج کر کے مزید تفتیش شروع کر دی گئی ہے۔
ترجمان ایس ایس پی ڈسٹرکٹ سنٹرل ذیشان شفیق صدیقی (PSP, PPM) کے مطابق گٹکا ماوا فروخت کرنے والوں کے خلاف سخت کارروائیاں جاری رہیں گی۔