کراچی — امریکی بحری جہاز یو ایس ایس وین ای میئر 24 تا 26 ستمبر کے دو روزہ دورے کے بعد کراچی سے روانہ ہوگیا۔ اس دورے نے پاک بحریہ اور امریکی بحریہ کے درمیان جاری دیرینہ تعاون کو مزید مستحکم کیا۔
وزیراعظم شہباز شریف کا جنرل اسمبلی سے خطاب: جنگ جیت چکے، بھارت سے نتیجہ خیز مذاکرات کو تیار ہیں
دورے کے دوران امریکی جہاز کے کمانڈنگ آفیسر نے کمانڈر پاکستان فلیٹ، ریئر ایڈمرل عبدالمُنیب سے ملاقات کی، جس میں باہمی دلچسپی کے امور اور خطے میں بحری سلامتی پر تبادلہ خیال کیا گیا۔
امریکی اور پاکستانی بحری افواج کے اہلکاروں نے پیشہ ورانہ تبادلوں، کھیلوں کے مقابلوں اور تربیتی سیشنز میں حصہ لیا۔ اس کے علاوہ دونوں ممالک کے اہلکاروں نے ایک دوسرے کے جہازوں کا دورہ کیا تاکہ آپریشنل طریقہ کار اور حربی صلاحیتوں کے بارے میں براہ راست تجربات حاصل کیے جا سکیں۔
پاک بحریہ کے ترجمان کے مطابق، یو ایس ایس وین ای میئر کے کامیاب دورے نے نہ صرف خطے میں امن و استحکام کے لیے مشترکہ عزم کو اجاگر کیا بلکہ مستقبل میں پاک-امریکہ بحری تعاون کے نئے مواقع بھی فراہم کرے گا۔
