کراچی: گلشن معمار جعفر گراؤنڈ کے قریب 20 سالہ نوجوان منصور محسود کو فائرنگ کرکے قتل کردیا گیا۔ واقعے کے خلاف مقتول کے اہل خانہ اور علاقہ مکینوں نے میت کے ہمراہ سپر ہائی وے پر چاکر ہوٹل کے قریب دھرنا دے دیا۔
احتجاجی دھرنے میں بڑی تعداد میں علاقہ مکین شریک ہوئے، جس کے باعث سپر ہائی وے پر ٹریفک کی روانی معطل ہوگئی اور مسافروں کو شدید مشکلات کا سامنا کرنا پڑا۔
مقتول کے اہل خانہ اور علاقہ مکینوں نے مطالبہ کیا کہ واقعے میں ملوث ملزمان کو فی الفور گرفتار کیا جائے اور مقتول کے ساتھ انصاف فراہم کیا جائے۔
احتجاجی دھرنے میں عوامی نمائندے عالمگیر خان اور سیف اللہ محسود بھی شریک ہوئے اور متاثرہ خاندان سے اظہار یکجہتی کیا۔
