اسلام آباد: وفاقی وزیر داخلہ محسن نقوی سے برطانوی ہائی کمشنر جین میریٹ نے ملاقات کی۔ ملاقات میں پاک۔برطانیہ تعلقات اور مختلف شعبوں میں دوطرفہ تعاون کے فروغ پر تفصیلی تبادلہ خیال کیا گیا۔
گورنر سندھ کامران ٹیسوری سے گولڈ میڈلسٹ مصطفیٰ علی کی ملاقات، شیلڈ اور انعام کا تحفہ
دونوں رہنماؤں کے درمیان انسداد دہشت گردی، انسداد منشیات، بارڈر سیکیورٹی اور انسانی سمگلنگ کے خلاف اقدامات میں اشتراک کار بڑھانے پر بات چیت ہوئی۔
برطانوی ہائی کمشنر نے وزیر داخلہ محسن نقوی کو نشانِ امتیاز ملنے پر مبارکباد پیش کی اور نیک خواہشات کا اظہار کیا۔ اس موقع پر انہوں نے پاکستان میں حالیہ بارشوں اور سیلاب کے باعث قیمتی انسانی جانوں کے ضیاع پر گہرے افسوس کا اظہار کیا اور جاں بحق افراد کے لواحقین سے دلی ہمدردی و تعزیت کی۔
وفاقی وزیر داخلہ محسن نقوی نے کہا کہ پاکستان ہمیشہ سے امن کا داعی رہا ہے اور دہشت گردی کی ہر شکل کی بھرپور مذمت کرتا ہے۔ انہوں نے کہا کہ برطانیہ پاکستان کے ترقی کے سفر میں ایک اہم شراکت دار ہے اور حکومت پاکستان باہمی مفاد کے تمام شعبوں میں برطانیہ کے ساتھ تعاون کو مزید فروغ دینا چاہتی ہے۔