پاکستان کے 78ویں یومِ آزادی کے موقع پر امریکی وزیرِ خارجہ مارکو روبیو نے پاکستانی عوام کو مبارکباد پیش کرتے ہوئے کہا کہ یومِ آزادی منانے پر ہم پاکستانی عوام کو دل کی گہرائیوں سے مبارکباد دیتے ہیں۔
78واں یومِ آزادی: ڈی جی رینجرز سندھ کی مزارِ قائد پر حاضری، پھولوں کی چادر چڑھائی اور دعا کی
اسٹیٹ ڈیپارٹمنٹ کے جاری کردہ بیان میں مارکو روبیو نے کہا کہ امریکا انسدادِ دہشت گردی اور تجارت میں پاکستان کی کوششوں کو قدر کی نگاہ سے دیکھتا ہے۔ انہوں نے اس عزم کا اظہار کیا کہ دونوں ممالک اقتصادی تعاون کے نئے مواقع تلاش کرنے کے لیے مل کر کام کریں گے، جن میں معدنیات، ہائیڈروکاربن اور کاروباری شراکت داری جیسے اہم شعبے شامل ہیں۔
امریکی وزیرِ خارجہ نے کہا کہ یہ اشتراک دونوں ملکوں کے عوام کے لیے خوشحال مستقبل کی راہ ہموار کرے گا، اور امریکا اس شراکت داری کے ذریعے تعلقات کو مزید مستحکم بنانے کا خواہاں ہے۔
واضح رہے کہ ملک بھر میں 78واں جشنِ آزادی قومی جوش و جذبے کے ساتھ منایا جا رہا ہے۔