کراچی (ایسٹ): تھانہ سچل پولیس نے ہوائی فائرنگ کرکے شہریوں کی جانوں کو خطرے میں ڈالنے والے تین ملزمان کو گرفتار کرلیا۔ یہ واقعہ وکیل سوسائٹی کے مین گیٹ کے قریب پیش آیا جہاں ملزمان ہوائی فائرنگ میں مصروف تھے۔
سی ای او کے الیکٹرک مونس علوی نے خاتون ہراسانی کیس میں 25 لاکھ روپے جرمانہ جمع کرادیا
پولیس نے اطلاع ملتے ہی فوری کارروائی کرتے ہوئے ملزمان کو موقع پر ہی گرفتار کرلیا۔ گرفتار ملزمان میں علی عباس ولد محمد عرس، محبوب علی ولد اللہ ورایو اور عجب گل ولد عزیز اللہ شامل ہیں۔
پولیس کے مطابق ملزمان کے قبضے سے پانچ رائفلز، ایمونیشن اور لائسنس برآمد کیے گئے ہیں، جو ہوائی فائرنگ میں استعمال ہو رہے تھے۔
پولیس کا کہنا ہے کہ ہوائی فائرنگ ایک جان لیوا اور غیر قانونی عمل ہے جس سے قیمتی انسانی جانوں کو شدید خطرہ لاحق ہوتا ہے۔ ملزمان کے خلاف ضابطے کے تحت مقدمات درج کرکے مزید تفتیش جاری ہے۔