اسلام آباد: الیکشن کمیشن آف پاکستان نے سینیٹ اور قومی اسمبلی کے اپوزیشن لیڈرز سمیت 9 ارکان پارلیمنٹ کو نااہل قرار دے دیا ہے۔ نااہلی کا فیصلہ متعلقہ عدالت کے احکامات موصول ہونے کے بعد جاری کیا گیا۔
یومِ استحصال کشمیر پر ڈپٹی کمشنر وسطی کی قیادت میں واک، بھارتی مظالم کے خلاف آواز بلند
الیکشن کمیشن کی جانب سے جاری کردہ نوٹیفکیشن کے مطابق سینیٹ میں اپوزیشن لیڈر شبلی فراز اور قومی اسمبلی میں اپوزیشن لیڈر عمر ایوب خان کو آئین کے آرٹیکل 63(1)(h) کے تحت نااہل قرار دیا گیا ہے۔
نااہل قرار دیے گئے دیگر ارکان میں رائے حیدر علی خان، صاحبزادہ حامد رضا، رائے حسن نواز خان، زرتاج گل، پنجاب اسمبلی کے رکن محمد انصر اقبال، رائے محمد مرتضیٰ اقبال اور جنید اکبر ساہی شامل ہیں۔
الیکشن کمیشن نے اپنے نوٹیفکیشن میں واضح کیا ہے کہ تمام نااہل ارکان کی اسمبلی نشستیں اب خالی تصور کی جائیں گی۔