لاہور — گورنمنٹ کالج یونیورسٹی (جی سی یو) لاہور میں ڈی جی آئی ایس پی آر لیفٹیننٹ جنرل احمد شریف کی آمد پر یونیورسٹی کا ماحول جذبہ حب الوطنی سے گونج اُٹھا۔ طلبہ نے پاک فوج سے یکجہتی اور قومی جذبے کا بھرپور اظہار کیا۔
Ajrak Plates Free All Sindh | Saeed Ghani’s Powerful Speech in Assembly | Deadline 14 August 2025
تقریب کے دوران نوجوان طلبہ نے ملی نغمے پیش کیے اور آپریشن "بنیان المرصوص” کی کامیابی پر اظہارِ تحسین کیا۔ ہال میں "پاک فوج زندہ باد” کے فلک شگاف نعرے لگائے گئے اور وطن سے محبت کے بھرپور مظاہرے دیکھنے میں آئے۔
ڈی جی آئی ایس پی آر نے طلبہ کے ولولے کو سراہتے ہوئے کہا کہ پاکستان کے نوجوان ملک کا روشن مستقبل ہیں، ان کا جذبہ، محنت اور حب الوطنی قوم کے لیے باعثِ فخر ہے۔
لیفٹیننٹ جنرل احمد شریف نے سمر انٹرن شپ پروگرام کے شرکاء سے بھی ملاقات کی اور ان کی فکری و علمی دلچسپی کو سراہا۔ انہوں نے کہا کہ نوجوانوں کا جوش اور عزم پاکستان کے استحکام کی ضمانت ہے۔