اسلام آباد کی انسداد دہشت گردی عدالت میں بانی پاکستان تحریکِ انصاف کے خلاف نااہلی پر احتجاج کے مقدمے میں سماعت بغیر کسی پیشرفت کے ملتوی کر دی گئی۔ مقدمہ تھانہ سنگجانی میں درج ہے، جس کی سماعت جج طاہر عباس سپرا نے کی۔
کراچی میں بادلوں کا راج، مرطوب موسم کے باعث گرمی کی شدت برقرار
سماعت کے دوران بانی پی ٹی آئی کی عدم حاضری کے باعث کارروائی آگے نہ بڑھ سکی۔ پراسیکیوٹر نے دلائل دیتے ہوئے مؤقف اختیار کیا کہ عدالت ایسے فیصلے دے چکی ہے جن کے تحت ملزم کی غیر موجودگی میں بھی ٹرائل جاری رہ سکتا ہے۔
دوسری جانب بانی پی ٹی آئی کے وکیل سردار مصروف نے مؤقف اپنایا کہ ان کے موکل کی غیر موجودگی میں ٹرائل ممکن نہیں، اور وہ اگلی سماعت میں اس نکتے پر مکمل دلائل دیں گے۔
عدالت نے فریقین کے مؤقف سننے کے بعد کیس کی سماعت 29 جولائی تک ملتوی کر دی۔