لاہور (اسپورٹس رپورٹر) آئرلینڈ کے خلاف آئندہ ماہ شیڈول تین ٹی ٹوئنٹی میچز کے لیے پاکستان ویمنز کرکٹ ٹیم کے 15 رکنی اسکواڈ کا اعلان کر دیا گیا ہے۔ یہ سیریز 6 سے 10 اگست تک ڈبلن میں کھیلی جائے گی۔
نجی ہاؤسنگ سوسائٹی میں نالے میں بہہ جانے والے باپ بیٹی کی تلاش دوسرے روز بھی جاری
پاکستان کرکٹ بورڈ کے مطابق نوجوان آل راؤنڈر فاطمہ ثنا کو ٹیم کی قیادت سونپی گئی ہے، جو آئرلینڈ کے خلاف تمام تین میچوں میں کپتانی کے فرائض انجام دیں گی۔ اسکواڈ کی حتمی تشکیل کراچی میں پری سیریز کیمپ میں شریک 24 کھلاڑیوں میں سے کی گئی، جس کا انعقاد روانگی سے قبل کیا جائے گا۔
اعلان کردہ 15 رکنی اسکواڈ میں شامل کھلاڑی:
عالیہ ریاض، ڈیانا بیگ، ایمان فاطمہ، گل فیروزہ، مونیبہ علی، نجیحہ علوی، نشرہ سندھو، ناتالیہ پرویز، رمین شمیم، صدف شمس، سعدیہ اقبال، سدرہ امین، طوبیٰ حسن، وحیدہ اختر اور فاطمہ ثنا (کپتان)۔
ویمنز نیشنل سلیکشن کمیٹی کا کہنا ہے کہ اسکواڈ کا انتخاب حالیہ فارم، فٹنس اور کیمپ میں کارکردگی کی بنیاد پر کیا گیا ہے۔ سیریز پاکستان ویمنز ٹیم کے لیے آئندہ بین الاقوامی ایونٹس کی تیاری کا اہم موقع ہو گی۔