ابراہیم حیدری میں پولیس کی کامیاب کارروائی، خطرناک گٹکا ماوا فروش گرفتار

کراچی: ابراہیم حیدری پولیس نے خفیہ اطلاع پر کامیاب کارروائی کرتے ہوئے مضرِ صحت گٹکا اور ماوا فروخت کرنے والے خطرناک ملزم کو گرفتار کرلیا۔

منگھوپیر پولیس کی بڑی کارروائی: نو عمر اسٹریٹ کرمنلز کا گینگ گرفتار، نقدی و اسلحہ برآمد

پولیس کے مطابق گرفتار ملزم کی شناخت عباس عرف کھوپڑی کے نام سے ہوئی ہے، جو شہر کے مختلف علاقوں میں گٹکا اور ماوا فروخت کرنے میں ملوث رہا ہے۔ ملزم کے قبضے سے بڑی مقدار میں مضر صحت گٹکا، ماوا اور فروخت کی رقم برآمد کرلی گئی ہے۔

پولیس کا کہنا ہے کہ عباس عرف کھوپڑی کا نام انتہائی مطلوب افراد کی فہرست میں شامل تھا، جو طویل عرصے سے پولیس کو مطلوب تھا۔

ملزم کے خلاف مقدمہ درج کرکے مزید تفتیش کا آغاز کردیا گیا ہے، جبکہ اس کا کرمنل ریکارڈ بھی چیک کیا جارہا ہے تاکہ اس کے دیگر جرائم کا پتہ لگایا جا سکے۔