ضلع سٹی کے آرام باغ ٹریفک سیکشن کے کانسٹیبل عزیز حیدر کی لین دین سے متعلق ویڈیو سوشل میڈیا پر وائرل ہونے کے بعد ایس ایس پی ٹریفک سٹی نے فوری نوٹس لیتے ہوئے مذکورہ اہلکار کو معطل کر کے لائن حاضر کر دیا ہے۔
مادرِ ملت فاطمہ جناح کی 57ویں برسی قوم کا عظیم محسنہ کو خراجِ عقیدت
ویڈیو میں کانسٹیبل عزیز حیدر کو سڑک کنارے مبینہ طور پر شہریوں سے لین دین کرتے ہوئے دیکھا جا سکتا ہے، جس پر سوشل میڈیا صارفین کی جانب سے سخت ردعمل سامنے آیا۔
ایس ایس پی ٹریفک سٹی کا کہنا ہے کہ ایسے اہلکار محکمہ پولیس کی ساکھ کو نقصان پہنچاتے ہیں، اور ان کے خلاف سخت محکمانہ کارروائی عمل میں لائی جائے گی۔ انہوں نے واضح کیا کہ بدعنوانی یا غفلت کسی صورت برداشت نہیں کی جائے گی۔
محکمہ ٹریفک پولیس کی جانب سے تحقیقات کا آغاز کر دیا گیا ہے، جبکہ کانسٹیبل عزیز حیدر کے خلاف محکمانہ انکوائری بھی شروع کر دی گئی ہے۔