کراچی کے ضلع شرقی کے علاقے گرومندر میں چائے کے ہوٹل پر 7 لڑکوں کے درمیان معمولی بات پر تلخ کلامی جھگڑے میں تبدیل ہوگئی، جس کے دوران ایک نوجوان جاں بحق ہوگیا۔ پولیس نے فوری کارروائی کرتے ہوئے ملزمان کو 5 گھنٹے سے بھی کم وقت میں گرفتار کرلیا۔
تہران میں ایوین جیل پر اسرائیلی حملہ، 71 افراد شہید، ایران کی عدلیہ کی تصدیق
واقعہ کی تفصیلات:
کراچی پولیس کے ترجمان کے مطابق تھانہ جمشید کوارٹرز کے علاقے گرومندر میں مسجد کنز الایمان کے قریب چائے کے ہوٹل پر 7 لڑکوں کے درمیان معمولی بات پر بحث ہوئی، جو جلد ہی جھگڑے میں تبدیل ہو گئی۔ جھگڑے کے دوران ایک نوجوان کو دھکا لگا، جو قریب کھڑی موٹر سائیکل کے ہینڈل سے ٹکرا کر موقع پر ہی جاں بحق ہوگیا۔
متوفی کی شناخت:
متوفی کی شناخت 17 سے 18 سالہ عبد الرحمٰن ولد عبدالجبار کے نام سے ہوئی۔ پولیس نے واقعے کی اطلاع ملتے ہی کارروائی کا آغاز کیا۔
ملزمان کی گرفتاری:
پولیس کے مطابق ایس ایچ او جمشید کوارٹرز نے بروقت کارروائی کرتے ہوئے 5 گھنٹے سے بھی کم وقت میں ملوث ملزمان کو گرفتار کرلیا۔ گرفتار ملزمان میں طلحہ ولد محمد شاہد، حسن ولد عارف (متوفی کا کزن)، عبداللہ ولد شکیل، فراز ولد عبد الستار، منان ولد اکبر علی اور معیز ولد محمد جاوید شامل ہیں۔
مزید تفتیش جاری:
پولیس کی جانب سے ضابطے کی کارروائی عمل میں لائی جارہی ہے اور واقعے کی مزید تفتیش کی جارہی ہے۔