آئی جی جیل خانہ جات سندھ فدا حسین مستوئی نے سینٹرل جیل میرپورخاص کا دورہ کیا اور جیل کی سیکیورٹی انتظامات کا تفصیلی جائزہ لیا۔ اس موقع پر جیل سپرنٹنڈنٹ اشفاق احمد کلوڑ نے جیل سیکیورٹی کے حوالے سے بریفنگ دی۔
مسجد الحرام میں آج غلافِ کعبہ کی تبدیلی کی روح پرور تقریب
آئی جی جیل خانہ جات نے ملیر اور خیرپور جیل کے حالیہ واقعات کے تناظر میں سیکیورٹی کو مزید سخت کرنے کی ہدایت جاری کی۔ دورے کے دوران ایس ایس پی میرپورخاص ڈاکٹر سمیر نور چنا بھی موجود تھے۔
فدا حسین مستوئی نے سینٹرل جیل میرپورخاص میں پولیس لائن کے قیام کا اعلان کیا اور کہا کہ سندھ کی تمام جیلوں میں قیدیوں کے لیے معیاری ڈائننگ ہال قائم کیے جائیں گے، جہاں قیدیوں کو باعزت اور حفظان صحت کے اصولوں کے مطابق کھانا فراہم کیا جائے گا۔
آئی جی نے مزید کہا کہ جیل مینو میں شامل کھانوں کی کوالٹی کو بہتر بنایا جا رہا ہے اور قیدیوں کے لیے صحت مند خوراک کی فراہمی کو یقینی بنایا جا رہا ہے۔
