ہر سال 5 جون کو عالمی یوم ماحولیات منایا جاتا ہے تاکہ ماحولیاتی تحفظ کی اہمیت کو اجاگر کیا جا سکے۔ اس سال کا موضوع "پلاسٹک آلودگی کا خاتمہ” ہے، جو دنیا بھر خصوصاً ہمارے سمندری ماحول کے لیے ایک سنگین خطرہ ہے۔
کراچی: جہاں آباد میں پولیس کا بڑا سرچ آپریشن، بھاری اسلحہ، منشیات اور مسروقہ موٹر سائیکلیں برآمد
پلاسٹک کی آلودگی نہ صرف جھیلوں، دریاؤں اور سمندروں کو متاثر کر رہی ہے بلکہ فطرت اور جانداروں کی زندگی کو بھی شدید نقصان پہنچا رہی ہے۔ یہ عالمی مسئلہ لوگوں کی روزی، خوراک اور ساحلی علاقوں کی زندگیوں کو براہ راست متاثر کر رہا ہے۔ پاکستان کے لیے یہ مسئلہ اور بھی سنگین ہے کیونکہ ہماری وسیع ساحلی پٹی لاکھوں افراد کی معاش و معیشت کا ذریعہ ہے اور سمندری حیاتیات سے مالا مال ہے۔
کراچی بندرگاہ، بحری سرگرمیوں کا اہم مرکز، آلودگی کے بوجھ تلے دب رہی ہے جہاں صنعتی فضلہ، گندا پانی اور پلاسٹک کا فضلہ سمندر کو زہریلا بنا رہا ہے۔ اس سے نہ صرف سمندری حیات کو خطرہ ہے بلکہ انسانی صحت پر بھی منفی اثرات مرتب ہو رہے ہیں۔
پاکستان نیوی، میری ٹائم شراکت داروں کے ساتھ مل کر ماحولیات کی بہتری کے لیے مختلف اقدامات کر رہی ہے، مگر سمندر میں پھینکا جانے والا فضلہ اس کا مقابلہ نہیں کر پا رہا۔ اس چیلنج سے نمٹنے کے لیے دو طرفہ حکمت عملی کی ضرورت ہے: فضلہ سمندر میں پھینکنے کی روک تھام اور موجودہ آلودگی کی صفائی۔
پاک بحریہ نے پلاسٹک آلودگی کے خاتمے کے لیے آگاہی مہمات شروع کی ہیں اور نیشنل انسٹیٹیوٹ آف میری ٹائم افیئرز کی جانب سے عالمی سیمینار کا انعقاد کیا گیا ہے تاکہ مسئلہ سمجھیے اور حل تلاش کیے جا سکیں۔
سربراہ پاک بحریہ ایڈمرل نوید اشرف نے تمام متعلقہ اداروں اور عوام سے اپیل کی ہے کہ وہ مینگروز کی شجرکاری، پلاسٹک بیگ کی پابندی، ساحلوں کی صفائی اور فضلہ نکالنے کے لیے پاک بحریہ کے اقدامات میں بھرپور تعاون کریں تاکہ ہمارے سمندری وسائل اور آنے والی نسل کا مستقبل محفوظ بنایا جا سکے۔