شاہراہِ نور جہاں پولیس نے شارٹ ٹرم کڈنیپنگ کے ایک کیس میں کارروائی کرتے ہوئے دو ملزمان کو زخمی حالت میں گرفتار کر لیا۔ مقتدرہ ایس ایس پی ڈسٹرکٹ سینٹرل کے مطابق، کمپلیننٹ کے بھائی شکیل کو اغوا کرنے والے ملزمان تاوان وصولی کے لیے سخی حسن چورنگی پر مدعی کو بلانے کی کوشش کر رہے تھے۔
بن قاسم پولیس اور رینجرز کی مشترکہ کارروائی خفیہ گٹکا ماوا تیار کرنے والے کارخانے پر چھاپہ 4 ملزمان گرفتار
پولیس نے مدعی کے ہمراہ چھاپہ مارا لیکن اغوا کاروں نے پولیس پر فائرنگ کر کے فرار ہونے کی کوشش کی۔ پولیس نے کے ڈی اے چورنگی پل کے قریب ملزمان کا تعاقب کیا جہاں دو طرفہ فائرنگ کے دوران ایک ملزم زخمی حالت میں گرفتار ہوا جبکہ دوسرے کو عوام کے ہاتھوں تشدد سے بچاتے ہوئے گرفتار کیا گیا۔
زخمی ملزمان کی شناخت اشعر ولد محمد اشفاق اور کامران ولد غلام فرید کے طور پر ہوئی۔ دو دیگر ملزمان عرفان ولد خالد اور دانیال ولد وحید بھی پولیس کی کارروائی میں گرفتار کر لیے گئے۔ پولیس نے مغوی محمد شکیل کو بھی بازیاب کروا لیا ہے۔
ملزمان کے قبضے سے دو پسٹل، موبائل فون اور دیگر سامان برآمد کر لیا گیا ہے۔ زخمی ملزمان کو علاج کے لیے ہسپتال منتقل کر دیا گیا ہے۔
