کراچی کے علاقے گلشنِ اقبال بلاک 02 میں ایک افسوسناک واقعہ پیش آیا جہاں گھریلو ناچاکی کے نتیجے میں ایک شوہر نے اپنی بیوی کو تیز دھار آلے کے وار سے موت کے گھاٹ اتار دیا۔ پولیس ذرائع کے مطابق 25 سالہ خاتون، صائمہ بی بی، کو اس کے شوہر سرفراز احمد ولد سعید احمد نے معمولی گھریلو تنازعے پر چھری کے وار کر کے بے رحمی سے قتل کر دیا۔
ایک مائن کرافٹ مووی نے ریکارڈ توڑ دیے 2025 کی سب سے بڑی ہالی ووڈ فلم بن گئی
واقعہ کی اطلاع ملتے ہی پولیس نے فوری کارروائی کرتے ہوئے جائے وقوعہ پر پہنچ کر ملزم کو موقع پر ہی آلہ قتل (چھری) سمیت گرفتار کر لیا۔ مقتولہ کی لاش کو ضروری ضابطے کی کارروائی کے لیے قریبی ہسپتال منتقل کر دیا گیا ہے۔
پولیس کے مطابق مقدمہ درج کر کے مزید تفتیش کا آغاز کر دیا گیا ہے۔ ابتدائی تحقیقات سے معلوم ہوا ہے کہ میاں بیوی کے درمیان آئے روز جھگڑے ہوتے تھے، جو اس سانحہ کی وجہ بنے۔ پولیس کا کہنا ہے کہ مزید شواہد اکٹھے کیے جا رہے ہیں اور مقتولہ کے اہلِ خانہ کے بیانات بھی قلمبند کیے جائیں گے تاکہ انصاف کے تقاضے پورے کیے جا سکیں۔
پولیس حکام نے یقین دہانی کروائی ہے کہ ملزم کو قانون کے مطابق سخت سزا دلوائی جائے گی تاکہ ایسے واقعات کی روک تھام ممکن ہو سکے۔
یہ واقعہ معاشرے میں بڑھتے ہوئے گھریلو تشدد کے واقعات کی عکاسی کرتا ہے اور اس امر کی جانب اشارہ کرتا ہے کہ ایسے مسائل کے حل کے لیے سنجیدہ اقدامات کی ضرورت ہے۔