پاک بحریہ کے جہاز پی این ایس اصلت نے کمبائنڈ ٹاسک فورس 151 (CTF-151) کی معاونت میں صومالیہ کے مشرقی ساحل کے قریب بحیرہ عرب میں کامیاب کاونٹر پائریسی پیٹرولنگ مکمل کر لی۔
کراچی گلشن ڈویژن پولیس کی کارروائیاں، منشیات اور گٹکا فروش گرفتار، سابقہ ریکارڈ بھی بے نقاب
CTF-151 کی قیادت اس وقت پاکستان نیوی کے پاس ہے، جو خلیج عدن، سوکوٹرا گیپ اور صومالیہ کے مشرقی ساحل کے اردگرد قزاقی کے خطرات کے پیش نظر مؤثر بحری موجودگی کو یقینی بنانے کے لیے سرگرمِ عمل ہے۔ اس کا مقصد بحری قزاقی، مسلح ڈکیتی اور دیگر غیر قانونی سرگرمیوں کی روک تھام ہے تاکہ بین الاقوامی تجارتی بحری راستے محفوظ رہیں۔
پی این ایس اصلت کی اس تعیناتی سے پاک بحریہ کی پیشہ ورانہ مہارت اور عالمی بحری سیکیورٹی کے لیے عزم کی عکاسی ہوتی ہے۔ یہ اقدام نہ صرف قومی مفادات بلکہ عالمی سطح پر بحری تجارت کے تسلسل کو یقینی بنانے کی کوششوں کا عملی مظہر ہے۔
