لیورپول نے پریمیئر لیگ میں اپنی 12 پوائنٹس کی برتری بحال کر لی جب ڈیوگو جوٹا کی گول کی بدولت بدھ کے روز ایورٹن کو 1-0 سے شکست دی۔ اس فتح کے بعد لیورپول کو اپنے بقیہ آٹھ میچوں میں صرف 13 پوائنٹس درکار ہیں تاکہ وہ انگلش ٹاپ فلائٹ کا 20 واں ٹائٹل جیت سکے۔
انٹر میلان اور اے سی میلان کے درمیان اطالوی کپ سیمی فائنل میں 1-1 سے برابری، فیصلہ کن دوسرا مرحلہ باقی
میچ کا آغاز ہی تنازعات سے ہوا جب ایورٹن کے کپتان جیمز ٹارکووسکی نے ایلیکسس میک ایلسٹر پر ایک سخت چیلنج کیا، لیکن انہیں محض پیلا کارڈ دکھایا گیا، جس پر لیورپول کے کوچ آرنے سلاٹ نے شدید تحفظات کا اظہار کیا۔ ایورٹن کے لیے پہلے ہاف میں بیٹو کے ذریعے برتری حاصل کرنے کا موقع تھا، لیکن ان کی کوشش پوسٹ سے ٹکرا گئی۔
دوسرے ہاف میں لیورپول نے جارحانہ انداز اپنایا اور گھنٹے کے نشان سے پہلے ہی جوٹا نے گیند کو جال میں پہنچا دیا۔ تاہم، یہ گول بھی تنازعے کا شکار رہا کیونکہ لوئس ڈیاز کو آف سائیڈ قرار دیا جا سکتا تھا، لیکن ریفری نے فیصلہ برقرار رکھا۔ ایورٹن کے منیجر ڈیوڈ موئیس نے اس فیصلے پر مایوسی کا اظہار کیا۔
میچ کے اختتامی لمحات میں پک فورڈ نے نونیز کو چیلنج کیا، لیکن ریفری نے پہلے ہی لیورپول کے فاؤل کا اشارہ دے دیا تھا، جس سے مزید تنازعہ ٹل گیا۔
اس جیت کے ساتھ، لیورپول نے چیمپئنز لیگ اور لیگ کپ میں حالیہ شکستوں کے بعد جیت کی راہ پر واپسی کی، اور اب وہ پریمیئر لیگ کا تاج دوبارہ سر پر سجانے کے مزید قریب پہنچ چکے ہیں۔