انٹرنیشنل کرکٹ کونسل (آئی سی سی) نے تازہ ترین ون ڈے اور ٹی 20 فارمیٹ کی پلیئرز رینکنگ جاری کر دی ہے، جس میں کئی کھلاڑیوں کی پوزیشن میں نمایاں تبدیلیاں ہوئی ہیں۔
امریکا میں اسٹوڈنٹ ویزا درخواست گزاروں کے سوشل میڈیا کی سخت جانچ کا فیصلہ
ون ڈے رینکنگ
ون ڈے بیٹرز میں بھارتی اوپنر شبمن گل کی پہلی پوزیشن برقرار ہے، جبکہ پاکستانی کپتان بابر اعظم دوسرے نمبر پر موجود ہیں۔ دیگر پاکستانی کھلاڑیوں میں فخر زمان 20ویں اور محمد رضوان 21ویں نمبر پر ہیں۔
بولرز کی رینکنگ میں شاہین شاہ آفریدی دو درجے تنزلی کے بعد 11ویں نمبر پر چلے گئے ہیں۔
ٹی 20 رینکنگ
ٹی 20 بیٹرز میں آسٹریلیا کے ٹریوس ہیڈ کی پہلی پوزیشن برقرار ہے، جبکہ نیوزی لینڈ کے ٹم سائفرٹ نے پانچ درجے ترقی کرتے ہوئے آٹھویں پوزیشن حاصل کر لی ہے۔ پاکستانی بلے بازوں میں بابر اعظم نویں جبکہ محمد رضوان 12ویں نمبر پر ہیں۔
بولرز کی فہرست میں نیوزی لینڈ کے جیکب ڈفی نئی ٹی 20 رینکنگ میں نمبر ون بولر بن گئے ہیں۔ انہوں نے پاکستان کے خلاف حالیہ ٹی 20 سیریز میں 13 وکٹیں حاصل کیں۔ حیران کن طور پر، پاکستان کا کوئی بھی بولر ٹی 20 بولرز کی ٹاپ 20 رینکنگ میں شامل نہیں ہے۔