اسلام آباد: وفاقی وزیر داخلہ محسن نقوی کی زیر صدارت کاؤنٹر ٹیررازم کمیٹی کا دوسرا اجلاس منعقد ہوا، جس میں ملک بھر سے اعلیٰ سطحی حکام نے شرکت کی۔ اجلاس میں وزیر مملکت برائے داخلہ طلال چوہدری، وفاقی سیکرٹری داخلہ، ڈی جی ایف آئی اے، ڈی جی پاسپورٹ، نیشنل کوآرڈینیٹر نیکٹا، چیف کمشنر اسلام آباد، کوآرڈینیٹر نیشنل ایکشن پلان اور مختلف سیکیورٹی اداروں کے نمائندے موجود تھے۔
مستونگ میں سردار اختر مینگل کے دھرنے کے قریب خودکش دھماکا، ایک شخص زخمی
علاوہ ازیں، پنجاب، خیبر پختونخوا، سندھ، آزاد کشمیر اور گلگت بلتستان کے وزرائے داخلہ بھی اجلاس میں شریک ہوئے، جبکہ مختلف صوبوں کے سیکرٹریز داخلہ اور آئی جیز نے زوم کے ذریعے شرکت کی۔
دہشت گردی کے خلاف حکومتی عزم
وفاقی وزیر داخلہ محسن نقوی نے اجلاس میں واضح کیا کہ وزیراعظم، آرمی چیف اور تمام اسٹیک ہولڈرز دہشت گردی کے خاتمے پر ایک صفحے پر ہیں۔ انہوں نے کہا کہ صوبوں کی مشاورت کے بغیر کوئی فیصلہ نہیں کیا جائے گا۔
اہم فیصلے اور اقدامات
اجلاس میں کاؤنٹر ٹیررازم ڈیپارٹمنٹ (CTD) کی استعداد کار بڑھانے پر غور کیا گیا۔
خیبر پختونخوا اور بلوچستان میں دہشت گردی کے چیلنجز کے پیش نظر ہر ممکن مدد فراہم کرنے پر اتفاق۔
ایف آئی اے کے کاؤنٹر ٹیررازم ونگ کو بھرپور طریقے سے فعال بنانے کا فیصلہ۔
نیشنل اور پراونشل انٹیلیجنس فیوژن اینڈ تھریٹ اسسمنٹ سنٹرز کے قیام پر پیش رفت کا جائزہ لیا گیا۔
نیشنل انٹیلیجنس فیوژن اینڈ تھریٹ اسسمنٹ سنٹرز کے قیام کی منظوری دی جا چکی ہے، جبکہ صوبوں میں بھی ایسے مراکز بنانے پر کام جاری ہے۔
فرنٹیئر کانسٹیبلری کی تنظیم نو کے بعد اسے نیشنل ریزرو پولیس میں تبدیل کرنے کا اعلان۔
دھماکہ خیز مواد کی مانیٹرنگ کو مؤثر بنانے کے لیے اسے وفاقی سبجیکٹ بنانے پر اتفاق۔
وزارت خارجہ کے ذریعے افغان حکومت کے سامنے دہشت گردی کے مسئلے کو مؤثر طریقے سے اٹھانے کا فیصلہ۔
غیر ملکی شہریوں کی سیکیورٹی کے ایس او پیز پر سختی سے عمل درآمد یقینی بنانے کی ہدایت۔
یہ اجلاس ملک میں دہشت گردی سے نمٹنے اور سیکیورٹی اداروں کی صلاحیتوں کو بڑھانے کے لیے اہم پیش رفت ثابت ہوگا۔