کراچی میں سی آئی اے پولیس نے منشیات فروشوں کے خلاف کارروائی کرتے ہوئے گلستانِ جوہر سے دو ملزمان کو گرفتار کر لیا۔ ڈی آئی جی مقدس حیدر کے مطابق گرفتار ملزمان لاہور سے منشیات لاکر کراچی کے پوش علاقوں میں فروخت کرتے تھے۔
بلدیہ میں اے وی ایل سی پولیس مقابلہ، کار لفٹر زخمی حالت میں گرفتار، ساتھی فرار
پولیس کے مطابق ملزمان کے قبضے سے 20 لاکھ روپے مالیت کی کوکین برآمد ہوئی ہے، جو انہوں نے ڈیفنس کے علاقے میں پارٹیوں میں فروخت کے لیے منگوائی تھی۔ یہ منشیات پرائیوٹ گاڑی کے ذریعے لاہور سے کراچی منتقل کی گئی۔
ذرائع کا کہنا ہے کہ مصطفیٰ قتل کیس میں منشیات نیٹ ورک سامنے آنے کے بعد پولیس نے کریک ڈاؤن تیز کر دیا ہے۔
